बोरिवली-मुरुड एसटी बसचं टायर धावत्या बसमधून आलं बाहेर
महाड : सध्या ठीकठीकाणांहून अपघाताच्या बातम्याच जास्त ऐकायला मिळत आहेत. मुंब्रा दिवा रेल्वे दुर्घटना, अहमदाबाद विमान अपघात, केदारनाथ हेलिकॉप्टर क्रॅश त्यानंतर कुंडमळा ब्रिज दुर्घटना असे एकामागून एक अपघातांच्या घटना घडून गेल्यामुळे, या सर्व घटनेमुळे प्रत्येकांच्या मनात एक अनाहूत भीती बसली आहे. याच पार्श्वभूमीवर, प्रवाशांना घेऊन जाणाऱ्या बोरिवली-मुरुड एसटी बसचा होणारा मोठा अपघात होता होता वाचला. बस चालकाच्या प्रसंगावधानामुळे संभाव्य अपघात टळला, अन्यथा मोठा अनर्थच घडला असता.
महाड तालुक्यात महाड-दापोली रोडवर एसटी महामंडळाच्या बसेसचा निसरड्या रस्त्यामुळे अपघात होण्याच्या घटना घडल्या आहेत. असं असताना आज मुरुड तालुक्यात बोरिवली वरून मुरुडला येणारी एम एच २०. बी एल. ३८०८ या क्रमांकाची बस विहुर गावाजवळ आली. यावेळी चालत्या गाडीमधून बसच्या उजव्या बाजूचे मागील दोन्ही टायर बाहेर आले. मात्र ड्रायव्हरच्या प्रसंगावधानामुळे मोठा अपघात होता होता वाचला.
पूर्वसूचना न देता शाळा बंद केल्याने विद्यार्थी आणि पालकांचा संताप कोंढवा: आजपासून राज्यभरातील सर्व शाळांना सुरुवात झाली असून, नवीन शैक्षणिक ...
आता पावसाळा चालू झाला आहे. त्यातच शालेय विद्यार्थी, महाविद्यालयीन विद्यार्थी दररोज शाळा महाविद्यालयात ये-जा करणार असल्याने जर चालत्या बसमध्ये असा अपघात झाल्यास याला कोण जबाबदार, असा सवाल एसटी महामंडळातून प्रवास करणारे जिल्ह्यातील असंख्य प्रवासी सत्ताधाऱ्यांना विचारत आहेत.