Video : कोस्टल रोडच्या बोगद्यात कार उलटली

  71

मुंबई : कोस्टल रोडच्या बोगद्यात जोरदार पावसामुळे एक कार घसरून रस्त्याच्या मधोमध उलटल्याची घटना शुक्रवारी संध्याकाळी साडेसात वाजता घडली. सुदैवाने गाडीच्या दोन्ही एअर बॅग्स उघडल्या गेल्यामुळे आणि चालकाने सीट बेल्ट लावलेला असल्यामुळे जीवितहानी टळली . मात्र, वाहन रस्त्यावर उलटल्यामुळे काही वेळ वाहतूक कोंडी झाली होती.ज्यामुळे अनेक नागरिकांना त्रास सहन करावा लागला. काही काळानंतर वाहतूक पोलिसांनी बोगद्यातील वाहतूक सुरळीतपणे सुरू केली .




नेमकं बोगद्यात घडलं काय?


घटनेच्या वेळी मुंबई सेंट्रल आरटीओ कार्यालयाच्या टॅक्सी मदत पथकाचे वाहन अपघातस्थळाजवळून जात होते. त्यांनी कोस्टल रोडवरील आपत्कालीन लँडलाइन फोनचा वापर करून तत्काळ कंट्रोल रूमला संपर्क साधत अॅम्बुलन्स आणि टोइंग व्हॅन मागवली. मदत पथकातील सदस्यांनी त्वरीत परिस्थिती हाताळत वाहतूक सुरळीत करत वाहनाभोवतीचा परिसर मोकळा केला. टोइंग व्हॅन आल्यावर, अपघातग्रस्त वाहन सरळ करण्यासाठी इतर वाहनचालकांच्या मदतीने प्रयत्न करण्यात आले. त्यानंतर वाहनाचे टोइंग करण्यात आले. या घटनेनंतर कोस्टल रोडच्या समुद्राखालील बोगद्यात उटल्या पडलेल्या कारचे व्हिडीओ समोर आले आहेत






कसा आहे हा बोगदा ?


मरीन ड्राईव्ह ते बांद्रा वरळी सीलिंक या टप्प्यातला हा जवळपास तीन किमी लांबीचा हा समुद्राखालचा बोगदा आहे. हे खोदकाम करण्यासाठी पस्तीस मजूर आणि भलंमोठं चिनी बनावटीचं टनेल बोअरिंग मशीन वापरण्यात आलं. गिरगावजवळ हा बोगदा सुरु होतो. अरबी समुद्र, गिरगाव चौपाटी, मलबार हिल यांच्या खालून जात ब्रीच कँडी रुग्णालयाजवळ तो संपतो.संपूर्ण कोस्टल रोड प्रकल्पासाठी बारा हजार सातशे कोटी रुपये खर्च करण्यात आले आहेत. या प्रकल्पामुळे शहर आणि उपनगरातील वाहतूक कोंडी कमी होण्याची अपेक्षा असून मे महिन्यामध्येच या मार्गाचं उद्घाटन झालं आहे. कोस्टल रोड प्रकल्प दक्षिण आणि उत्तर अशा दोन भागात विभागला गेला आहे.

Comments
Add Comment

ऑनलाईन लोनच्या नावाखाली तरुणीची फसवणूक, अश्लील फोटो केले व्हायरल

मुंबई : मुंबईच्या जोगेश्वरी भागात राहणाऱ्या तरुणीची ऑनलाइन फसवणूक करून तिचे अश्लील फोटो नातेवाईकांना

इंडिगोची ‘हॅपी इंडिगो डे सेल’ घोषणा, देशांतर्गत प्रवास १,२१९ पासून तर आंतरराष्ट्रीय ४,३१९ पासून

मुंबई: इंडिगोने आपल्या १९ व्या वर्धापनदिनानिमित्त ‘हॅपी इंडिगो डे सेल’ची घोषणा केली आहे. प्रवाशांना केवळ ₹१,२१९

या योजनेतून दर महिन्याला मिळतील ७ हजार रूपये...पाहा काय आहे ही योजना

मुंबई: भारतीय आयुर्विमा महामंडळाने महिलांसाठी एक विशेष योजना सुरू केली आहे, 'एलआयसी विमा सखी' (LIC Bima Sakhi). ही योजना

युगेंद्र पवारांचा साखरपुडा, मुंबईत पवार कुटुंब एकत्र

मुंबई : काही दिवसांपूर्वी अजित पवार यांचे पुत्र जय पवार यांच्या पुण्यात साखरपुडा झाला. आता अजित पवार यांचे भाऊ

मुंबईत अपघात; कार उलटली, दुभाजक ओलांडून पलिकडच्या रस्त्यावर गेली आणि...

मुंबई : रविवार म्हणजे अनेकांसाठी सुटीचा, विश्रांतीचा दिवस. यामुळे मुंबईकर निवांत असतात. पण आजच्या रविवारची

Megablock: मध्य रेल्वेच्या माटुंगा ते मुलुंड दरम्यान आज मेगा ब्लॉक

मुंबई: मध्य रेल्वेच्या मुंबई विभागातील विविध अभियांत्रिकी आणि देखभालीची कामे करण्यासाठी रविवारी मेगा ब्लॉक