मध्य रेल्वेच्या गाड्यांना सुधारित डब्यांची रचना

मुंबई : मध्य रेल्वे काही गाड्यांच्या सेवा सुधारित संरचनेसह चालवणार आहे.
ट्रेन क्रमांक १२२२३/१२२२४ लोकमान्य टिळक टर्मिनस-एरनाकुलम-दुरांतो एक्सप्रेस आता एक अतिरिक्त २ टियर वातानुकूलित आणि ३ टियर वातानुकूलित कोचसह चालेल.

१२२२३ लोकमान्य टिळक टर्मिनस-एरणाकुलम दुरांतो एक्सप्रेस १४ जूनपासून लोकमान्य टिळक टर्मिनस येथून चालेल तर १२२२४ एरनाकुलम-लोकमान्य टिळक टर्मिनस दुरांतो एक्सप्रेस १५ जूनपासून एर्नाकुलम येथून चालेल. या गाडीला एक वातानुकूलित प्रथम श्रेणी, ३द्वितीय वातानुकूलित श्रेणी, ७ तृतीय वातानुकूलित श्रेणी, ८ शयनयान, १ पॅन्ट्री कार आणि २ सामान/जनरेटर कम गार्ड ब्रेक व्हॅन. अशी रचना असेल.

ट्रेन क्रमांक १८०२९/१८०३० लोकमान्य टिळक टर्मिनस-शालिमार एक्सप्रेस आता एलएचबी कोचसह आणि २ अतिरिक्त जनरल सेकंड क्लास कोचसह चालेल. १८०२९ लोकमान्य टिळक टर्मिनस-शालिमार एक्सप्रेस २१ जून पासून लोकमान्य टिळक टर्मिनस येथून चालेल तर १८०३० शालिमार-लोकमान्य टिळक टर्मिनस एक्सप्रेस १९. जून पासून शालिमार येथून चालेल या गाडीला २ द्वितीय वातानुकूलित श्रेणी, ५ तृतीय वातानुकूलित श्रेणी, ६ शयनयान, ४ जनरल सेकंड क्लास, १ सेकंड सीटिंग आणि सामानासह गार्ड ब्रेक व्हॅन, २ सामान/जनरेटरसह गार्ड ब्रेक व्हॅन आणि ४ भाडेतत्त्वावर घेतलेल्या पार्सल व्हॅन. असे डब्बे असतील .

ट्रेन क्रमांक १७६११/ १७६१२ नांदेड-छत्रपती शिवाजी महाराज टर्मिनस राज्य राणी एक्सप्रेस आता १ अतिरिक्त ३ टियर वातानुकूलित कोच आणि २ अतिरिक्त शयनयान कोचसह चालेल. १७६११ हजूर साहिब नांदेड-छत्रपती शिवाजी महाराज टर्मिनस एक्सप्रेस ४ ऑगस्टपासून हजूर साहिब नांदेड येथून चालेल तर १७६१२ छत्रपती शिवाजी महाराज टर्मिनस-हजूर साहिब नांदेड एक्सप्रेस ५ ऑगस्ट पासून छत्रपती शिवाजी महाराज टर्मिनस येथून चालेल. या गाडीला एक वातानुकूलित फर्स्ट क्लास कम वातानुकूलित २ टियर, एक द्वितीय वातानुकूलित श्रेणी, ३ तृतीय वातानुकूलित श्रेणी, ६ शयनयान, ४ सामान्य द्वितीय श्रेणी आणि २ सेकंड सीटिंग आणि सामानासह गार्ड ब्रेक व्हॅन.असे डब्बे असतील.