किरकोळ कर्ज (Retail Loan), गृहकर्ज, शिक्षण कर्ज, चारचाकी कर्ज व इतर कर्जधारकांना याचा लाभ होणार आहे. जून १० पासून हा नवा अध्यादेश लागू असेल. बँक ऑफ महाराष्ट्राच्या गृहकर्जाचे नवीन व्याजदर ७.३५% व ७.७% इतके असतील असे बँकेने आपल्या निवेदनात म्हटले आहे. बँक ऑफ बडोदानेही याआधी आपल्या मार्जिनल कॉस्ट लेंडिग रेट (MCLR) मध्ये ५ बेसिस पूर्णांकाने घट केली होती. रिझर्व्ह बँकेने आपल्या तसेच कॅश रिझर्व्ह रेशोमध्ये (CRR) १०० बेसिस पॉइंट्सची कपात करून तो ३ टक्क्यांपर्यंत कमी केला आहे, ज्यामुळे बँकिंग व्यवस्थेत आधीच असलेल्या अतिरिक्त तरलतेत २.५ लाख कोटी रुपये वाढतील असे तज्ञांचे म्हणणे आहे.
याशिवाय युनियन बँक ऑफ इंडिया, कॅनरा बँक, इंडियन ओव्हरसिज बँक या बँकेनेही आपल्या कर्ज व्याजदरात ५० बेसिस पूर्णांकाने कपात केली आहे. या निर्णयामुळे, युनियन बँक ऑफ इंडियाने त्यांचे EBLR (External Benchmark Lending Rate) आणि RLLR (Repo Linked Lending Rate) पूर्णपणे RBI च्या अलिकडच्या दर कपातीशी सुसंगत राखल्याने आता व्याजात कपात होईल. यामध्ये जे नवीन आणि विद्यमान किरकोळ (घर, वाहन, वैयक्तिक इ.) आणि लघु मध्यम कर्ज (MSME) कर्जदारांसाठी फायदेशीर ठरेल, असे त्यात म्हटले गेले आहे.
बुधवारी झालेल्या बैठकीत, गुरुवारपासून लागू होणारा रेपो लिंक्ड लेंडिंग रेट ५० बेसिस पूर्णांकाने ८.८५ टक्क्यांवरून ८.३५ टक्के कमी करण्यास मान्यता दिली आहे, असे बँकेने एका निवेदनात म्हटले आहे. कॅनरा बँकेनेही RLLR मध्ये ८.७५ टक्क्यांवरून ८.२५ टक्के कपात करण्याची घोषणा केली आहे. याशिवाय दरम्यान, बँक ऑफ बडोदा (BoB) ने देखील त्यांच्या मार्जिनल कॉस्ट ऑफ फंड्स बेस्ड लेंडिंग रेट (MCLR) मध्ये ५ बेसिस पूर्णांकाने कपात केली आहे असे बँकेनी सांगितले.