प्रतिनिधी: अहमदाबाद येथील विमान अपघातात २४२ पेक्षा अधिक मृत्युमुखी पडले होते.अजूनही अनेक मेडिकल कॉलेज विद्यार्थ्यांची प्रकृती गंभीर आहे.असे असतानाच शेअर बाजारातही त्यांचे पडसाद पहायला मिळाला आहे. आंतरराष्ट्रीय बाजारात बोइंग (Boeing) कंपनीचा समभाग (Share) सकाळी १०.३० पर्यंत ४.८२% कोसळला आहे. जर्मन विमान उत्पादन कंपनी बोईंगला याचा मोठा फटका बसला आहे. त्यामुळे समभाग ४.८२% कोसळल्याने दर २०३.७५ डॉलर प्रति समभाग सुरू आहे.प्री -ओपन (Pre Open Session) मध्ये तर कंपनीचा समभाग ८% कोसळला होता.बुधवारी, बोईंगचा शेअर ०.८% घसरून २१४ डॉलरवर स्थिरावला. तथापि, गेल्या तीन महिन्यांपासून हा शेअर वरच्या दिशेने आहे, या कालावधीत २४% वाढ झाली आहे.
अहमदाबाद विमान अपघातामुळे बोईंगच्या या बहुचर्चित विमानाच्या सुरक्षिततेबद्दल चिंता वाढल्याने बोईंग काउंटरमध्ये (Counter Sell) विक्री झाली.अहमदाबादमधून निघालेले विमान एअर इंडियाचे विमान AI171,बोईंग 787-8 विमान होते.उड्डाणानंतर काही मिनिटांतच कोसळले. मृत्यूमुखी पडलेल्या पीडित नागरिकांमध्ये १६९ भारतीय नागरिक,५३ ब्रिटिश नागरिक,सात पोर्तुगीज नागरिक आणि एक कॅनेडियन नागरिकांचा समावेश आहे. आंतरराष्ट्रीय गुंतवणूकदारांना याबद्दल चिंता वाटल्याने त्याचा फटका बाजारात समभागांना बसला होता. अहमदाबाद विमान अपघात घटनेमुळे नवीन तपासांची मालिका सुरू होऊ शकते आणि त्यामुळे कायदेशीर आव्हाने निर्माण होऊ शकतात.
दरम्यान, बोईंगचे अध्यक्ष आणि सीईओ केली ऑर्टबर्ग यांनी टाटा ग्रुपचे अध्यक्ष एन चंद्रशेखरन यांच्याशी बोलून भारतीय तपासकर्त्यांना पूर्ण सहकार्य करण्याचे आश्वासन दिले आहे. यावेळी दिलेल्या अधिकृत निवेदनात म्हटल्याप्रमाणे, 'एअर इंडिया फ्लाइट १७१ मधील प्रवाशांच्या आणि क्रूच्या प्रियजनांसोबतच अहमदाबादमधील पिडित झालेल्या प्रत्येकाप्रती आमच्या मनापासून संवेदना आहेत' असे ऑर्टबर्ग यांनी म्हटले आहे. दरम्यान यापूर्वीही बोईंग विमानाचे अपघात प्रसंग घडले होते.ऑक्टोबर २०१८ मध्ये बोईंग लायन एअरचे ७३७ मॅक्स विमानाचा जावा सी मध्ये अपघात झाला होता. ज्यामध्ये १५७ जणांचा मृत्यू झाला होता.