मुंबई: गुजरातच्या अहमदाबाद एअरपोर्टजवळ विमान अपघाताच्या ठिकाणी धुराचे लोळ आणि अपघाताची दृश्ये ही हृदय हेलावून टाकणारी आहेत. अहमदाबाद येथून लंडन जात असलेल्या विमानात २४२ जण प्रवास करत होते. यात २३० प्रवासी आणि १२ क्रू मेंबर होते. या अपघातात एक व्यक्ती जिवंत असल्याचे समोर आले आहे तर मोठ्या प्रमाणात जिवीतहानी झाली आहे.
अहमदाबादमध्ये आज म्हणजेच १२ जून २०२५ला अहमदाबाद येथून लंडनला जात असलेल्या प्लेन टेक ऑफ सोबत क्रॅश झाले. या भीषण विमान अपघाताने संपूर्ण जगाला हादरवून सोडले आहे. आजपासून ७५ वर्षांआधी म्हणजेच १२ जून १९५०च्या जवळ भारतापासून ३ हजार किमी दूर असाच एक विमान अपघात घडला होता.
एअर फ्रान्सचे एक विमान डगलस डीसी ४ विमान बहरीन विमानतळावर लँड करत असताना समुद्रात जाऊन पडले. या अपघातात ४६ लोक मारले गेले होते. एअर फ्रान्सचे विमान सायगॉन येथून पॅरिसच्या दिशेने जात होते. यातच पाकिस्तानच्या कराची एअरपोर्टवर विमान थांबले होते. विमानने संध्याकाळी ४ वाजता पाकिस्तानच्या बहरीन येथेून उड्डाण केले.
रात्री ९ वाजता साधारण विमानाने बहरीन एप्रोच कंट्रोलला फोन करून त्याची उंची ६५०० फूट सांगितली आणि उतरण्याची परवानगी मागितली. एप्रोच कंट्रोलने २००० फूट खाली उतरण्यास परवानगी दिली. यानंतर विमान हवाई क्षेत्रापासून वर साधारण १००० फूट उंचावर आले. विमानाला आपली स्थिती पाहता पुन्हा उतरण्याची सूचना देण्यात आली. टॉवर कंट्रोलने स्वीकार केले आणि रनवेवर उतरण्याची परवानगी दिली.
समुद्रात लँड झाले विमान
यानंतर एअर फ्रान्सचे विमान समुद्रात पाण्याला टक्कर देत अपघातग्रस्त झाले. एअर फ्रान्स डगलस डीसी ४ विमान बहरीन विमानतळाच्या जवळील समुद्रात पडले. यात ४६ जणांचा मृत्यू झाला. केवळ ६ जण यातून बचावले.