मुसलमानबहुल मोरोक्कोत बकरी ईदच्या तोंडावर प्राण्यांच्या कत्तलीवर बंदी

  83

मोरोक्को : मुसलमानांचा देश म्हणून ओळखल्या जाणाऱ्या मोरोक्को या देशात प्राण्यांच्या कत्तलीवर बंदी घालण्यात आली आहे. मोरोक्कोमध्ये ९९ टक्के मुसलमान वास्तव्यास आहेत. यामुळे मोरोक्कोमध्ये बकरी ईदच्या उत्साहाने तयार सुरू होती. आयत्यावेळी मोरोक्कोचे राजे मोहाम्मेद सहावे (Mohammed VI of Morocco) यांनी देशात प्राण्यांच्या कत्तलीवर बंदी घातली आहे. यंदा बकरी ईद निमित्त संपूर्ण देशाच्यावतीने राजे एकटेच बकऱ्याचा बळी देतील, असेही जाहीर करण्यात आले आहे.

मोरोक्को सध्या दुष्काळ आणि आर्थिक आव्हानांशी संघर्ष करत आहे. या पार्श्वभूमीवर देशातील कमी होत चाललेल्या पशुधनाचे जतन करण्यासाठी कठोर निर्णय घेतल्याचे मोरोक्कोच्या राजाच्यावतीने सांगण्यात आले. मोरोक्कोचे राजे मोहाम्मेद सहावे यांनी देशात प्राण्यांच्या कत्तलीवर बंदी घालण्याचा आदेश जारी केला आहे. हा आदेश जारी होताच मोरोक्कोच्या प्रशासनाने बळीच्या प्राण्यांची विक्री रोखण्यासाठी पशुधन बाजार बंद करण्यास सुरुवात केली. मोरक्कोतील प्राण्यांची खरेदी - विक्री ठप्प झाली आहे.

प्राण्यांचे सौदे करण्यासाठी भरवले जाणारे आठवडी बाजार बंद करण्यात आले आहेत. प्राण्यांच्या विक्री किंवा कत्तलीशी संबंधित मेळाव्यांवर बंदी घालण्यात आली आहे. मोरोक्कोच्या राजाचे सैनिक आणि पोलीस घरोघरी जाऊन तपासणी करुन कत्तलीचे प्राणी आढळल्यास जप्त करत आहे. महानगरपालिकांच्या कत्तलखान्यांवर तात्पुरती बंदी घालण्यात आली आहे. मोरक्कोतच काही ठिकाणी प्राण्यांच्या कत्तलीच्या अवजारांच्या विक्रीवरही बंदी आहे.

मोरोक्कोमध्ये मागील सहा वर्षांपासून दुष्काळ आहे. या दुष्काळामुळे नागरिक प्राण्यांची कत्तल करुन त्यांचे मांस खाऊन जगत आहेत. यामुळे देशातील पशुधनात लक्षणीय घट होऊ लागली आहे. या पार्श्वभमीवर मोरोक्कोच्या राजाने पशुधनाच्या संरक्षणासाठी देशात प्राण्यांच्या कत्तलीवर बंदी घातली आहे. यंदा बकरी ईद निमित्त संपूर्ण देशाच्यावतीने राजे एकटेच बकऱ्याचा बळी देणार आहे. पण राजाच्या या निर्णयामुळे मोरोक्कोतील धर्मांध मुसलमान असलेल्या नागरिकांमध्ये नाराजी पसरली आहे. राजाने थेट धर्मात हस्तक्षेप करणे अयोग्य असल्याचे मत व्यक्त होत आहे.
Comments
Add Comment

शुभांशू शुक्ला आंतरराष्ट्रीय अंतराळ स्थानकात कोणते प्रयोग करणार ?

आंतरराष्ट्रीय अंतराळ स्थानक : शुभांशू शुक्ला हे अंतराळात गेलेले दुसरे आणि आंतरराष्ट्रीय अंतराळ स्थानकावर

अमेरिकेच्या व्हिसासाठी अर्ज करणाऱ्यांच्या सोशल मीडियातील अस्तित्वाची चौकशी होणार

वॉशिंग्टन डी. सी. : अमेरिकेत जाण्याचे स्वप्न बघणाऱ्यांसाठी महत्त्वाची बातमी. आता अमेरिकेच्या व्हिसासाठी अर्ज

३ जणांना फाशी, ७०० जणांना अटक... इराणमध्ये मोसादच्या 'अंडरकव्हर एजंट्स'विरुद्ध जलद कारवाई

इराण इस्रायलच्या अंडरकव्हर एजंट्सविरुद्ध जलद कारवाई तेहरान: इराण आणि इस्रायल यांच्यात शस्त्रसंधी (Iran Israel Ceasefire) 

इराण-इस्रायल युद्ध : ट्रम्प यांच्या युद्धविरामाच्या घोषणेमुळे संभ्रम

पश्चिम आशियातील तणाव: ट्रम्प यांचा दावा, इराणने खोडला तेहरान : इराण-इस्रायल युद्धानं नवं वळण घेतलंय. इराणने

Mosquito Sized Drone: चीनने बनवला डासाच्या आकाराचा रोबोटिक्स ड्रोन, लष्करी ऑपरेशन्समध्ये होणार वापर

बीजिंग: चीनमध्ये एक मायक्रो ड्रोन विकसित करण्यात आला आहे, जो आकाराने डासाच्या आकाराचा आहे. यामुळे हा ड्रोन पकडणे

तोंडावर आपटले ट्रम्प,, युद्धबंदीच्या घोषणेनंतर इराणचे हल्ले सुरूच

तेल अविव: अमेरिकेचे राष्ट्राध्यक्ष डोनाल्ड ट्रम्प (Donald Trump) पुन्हा एकदा तोंडावर आपटले आहेत.  इराण इस्रायलमध्ये