CSR News: गोदरेज ग्रुप, बीएमसी आणि भामला फाउंडेशनकडून प्लास्टिक प्रदूषणाविरुद्धच्या जागरूकतेचे कृतीत रूपांतर

  46

मुंबई: गोदरेज इंडस्ट्रीज ग्रुप (GIG) ने बृहन्मुंबई महानगरपालिका (BMC) आणि भामला फाउंडेशन यांच्या सहकार्याने #BeatPlasticPollution मोहीम सुरू केली आहे, ज्याला संयुक्त राष्ट्र पर्यावरण कार्यक्रमाचे (UNEP) पाठबळ मिळाले आहे. हा उपक्रम प्लास्टिक प्रदूषण आणि पृथ्वीवरील संतुलन पुनर्संचयित करण्यासाठी, जीवन टिकवून ठेवण्यासाठी,माती,वनस्पती आणि पर्यावरण संरक्षणाची व्यापक गरज यासह अनेक गंभीर पर्यावरणीय आव्हानांवर तोडगा काढेल असा अंदाज व्यक्त केला जात आहे.


गोदरेज इंडस्ट्रीज ग्रुपचे अध्यक्ष आणि व्यवस्थापकीय संचालक नादिर गोदरेज यांनी संस्थेच्या शाश्वततेसाठी वचनबद्धता आणि सामूहिक कृतीचे महत्त्व अधोरेखित करताना म्हटले की, "लोकांना आणि ग्रहाला प्राधान्य देणे याचा आमच्या मूलभूत मूल्यांमध्ये अंतर्भाव होतो. गेल्या दशकात, आम्ही शाश्वततेच्या दिशेने लक्षणीय प्रगती केली आहे - आमची ६४% ऊर्जा आता अक्षय्य स्रोतांमधून येते आणि आम्ही आमची प्लास्टिक पॅकेजिंग तीव्रता २०% पेक्षा अधिक कमी केली आहे. आम्ही उत्पादित केलेल्या आधी आणि नंतरच्या प्लास्टिक पॅकेजिंगपैकी १००% पॅकेजिंग हे पुनर्वापरातून होत असल्याचा आम्हाला अभिमान आहे.


आमच्या कचरा व्यवस्थापन प्रकल्पांद्वारे, आम्ही ६३००० मेट्रिक टन पेक्षा जास्त कचरा क्षेपण भूमीतून वळवला आहे, जमीन मोकळी केली आणि महत्त्वाचे म्हणजे पर्यावरणीय परिणाम कमी केला आहे. ही मोहीम अर्थपूर्ण पर्यावरणीय बदल घडवून आणण्याच्या आमच्या वचनबद्धतेचा एक नैसर्गिक विस्तार आहे. प्लास्टिक प्रदूषण आणि अक्षय्य ऊर्जा यासारख्या गंभीर आव्हानांना तोंड देऊन, आम्ही सामूहिक कृतीला प्रेरणा देण्याचे आणि भविष्यातील पिढ्यांसाठी शाश्वत वारसा निर्माण करण्याचे उद्दिष्ट ठेवतो.”


प्लास्टिक कचरा हा भारतासाठी एक गंभीर चिंतेचा विषय आहे. २०२३ मध्ये ९.४६ दशलक्ष टन प्लास्टिक निर्माण झाले, त्यापैकी जवळजवळ ४३% प्लास्टिकचा पुनर्वापर शक्य नाही. या आव्हानाला तोंड देण्यासाठी, प्लास्टिकचा वापर कमी करण्यासाठी आणि या ग्रहावरील साधन संपत्तीचे संरक्षण करण्यासाठी शाश्वत जीवनशैली पर्यायांचा अवलंब करण्याच्या महत्त्वावर भर देते.


या हेतूला पाठबळ देत, मुंबईतील वांद्रे परिसरात गोदरेज मॅजिक रेडी-टू-मिक्स हँडवॉश स्टेशनचे अनावरण करण्यात आले. एका आठवड्याहून अधिक काळ चालू राहिलेल्या या उपक्रमाने लोकांना हँडवॉश स्टेशनवर बाटल्या पुन्हा भरून त्या वापरण्यास प्रोत्साहन दिले. गोदरेज मॅजिक हँडवॉश स्टेशनमध्ये रिअल-टाइम डॅशबोर्ड आहे जो अशाप्रकारे रिफिल केल्याने वर्षभरात किती प्लास्टिक वाचवता येते हे दर्शवितो - वैयक्तिक आवडी निवडींचे सामूहिक परिणामात रूपांतर करतो.


गोदरेज मॅजिक हँडवॉश उपक्रमाबद्दल गोदरेज कंझ्युमर प्रॉडक्ट्स लिमिटेड (जीसीपीएल) चे मार्केटिंग हेड - पर्सनल केअर नीरज सेनगुट्टुवन म्हणाले, “भारतातील प्लास्टिक कचऱ्याचे संकट वाढत आहे, दरवर्षी लाखो टन कचरा निर्माण होतो आणि एकदा वापरता येणारे, पुनर्वापर न होऊ शकणारे प्लास्टिक पर्यावरणीय शाश्वततेसाठी सर्वात मोठा धोका निर्माण करत आहे. जीसीपीएलमध्ये, आम्ही कायम शाश्वततेला प्राधान्य देतो. व्यवसाय, पर्यावरणीय तसेच सामाजिक जबाबदारीचे संतुलन साधतो. गोदरेज मॅजिक हँडवॉश हा एक असाच एक शाश्वत नवोन्मेष आहे जो नियमित हँडवॉशच्या तुलनेत ५०% कमी प्लास्टिक, ७५% कमी इंधन आणि ७५% कमी कागद वापरतो. बाटल्यांचा पुनर्वापर करण्यासारख्या लहान, जाणीवपूर्वक कृती कशा अर्थपूर्ण, जाणवणारे बदल घडवू शकतात, याचे ही मोहीम हे उत्तम उदाहरण आहे. प्रत्येक रिफिल म्हणजे लँडफिलमध्ये एक बाटली कमी करणे. या उपक्रमाच्या परिणामांचा रिअल टाइममध्ये विचार करून आम्ही जागरूकतेचे कृतीत रूपांतर करत आहोत.”


गोदरेज ला'अफेअरने देखील या मोहिमेला पाठिंबा दिला आहे, ज्याचा समारोप आज एका सायक्लोथॉनने होईल. यात शाश्वततेसाठी आपली वचनबद्धता दाखवण्यासाठी आणि पर्यावरणीय व्यवस्थापनासाठी जागतिक आवाहनाला बळकटी देण्यासाठी सहभागींना आमंत्रित केले जाईल.

Comments
Add Comment

Tata Motors: टाटा मोटर्सकडून देशभरात मान्‍सून चेक-अप कॅम्‍पचे आयोजन

विद्यमान ग्राहकांसाठी मोफत वेईकल तपासणी आणि आकर्षक फायदे मुंबई: टाटा मोटर्स या भारतातील आघाडीच्‍या

Mukesh Ambani: मुकेश अंबानी यांची आयसीटीला १५१ कोटींची देणगी म्हणाले....

प्रतिनिधी: रिलायन्स इंडस्ट्रीजचे सर्वेसर्वा मुकेश अंबानी यांनी इन्स्टिट्यूट ऑफ केमिकल टेक्नॉलॉजी (ICT) ला तब्बल

६६व्या वाढदिवशी ‘बोल्ड’ लूकने सोशल मीडियावर धूम; नीना गुप्तावर कौतुक आणि टीकेची जोरदार चर्चा!

बॉलिवूडमधील ज्येष्ठ अभिनेत्री नीना गुप्ता यांनी नुकताच आपला ६६ वा वाढदिवस मोठ्या धुमधडाक्यात साजरा केला.

पंतप्रधान मोदींच्या नेतृत्वात किसान क्रेडिट योजना लाखो शेतकऱ्यांसाठी ठरली जीवनवाहिनी - निर्मला सीतारामन

प्रतिनिधी: सरकारची योजना किसान क्रेडिट कार्ड (KCC) हे भारतीय शेतकऱ्यांसाठी जीवनरेखा ठरली आहे असे प्रतिपादन

Apple WWDC News: नवा आयफोन घेताय मग थांबा....  नव्या खरेदीपूर्वी हे वाचा....

मुंबई: ॲपल डब्लूडब्लूडीसी (Apple WWDC) चा कार्यक्रम ९ जूनला कॅलिफोर्निया कलिफमध्ये होणार आहे. वर्षातील सर्वात मोठा

Mahua Moitra Ties The Knot : दोन नेते जर्मनीत भेटले अन् गुपचूप विवाहबंधनात अडकले

गेल्या काही दिवसांपासून अभिनेत्री शिवांगी वर्मा आणि ७० वर्षीय अभिनेता गोविंद नामदेव यांचा विवाह जोरदार चर्चेत