प्रतिनिधी: स्कोडा टयुब लिमिटेड (Scoda Tubes Limited) चा आयपीओ (IPO) बाजारात सूचीबद्ध (Listed) झाला आहे.२८ ते ३० मे दरम्यान हा आयपीओ बाजारात दाखल झाला होता.आता तो बीएससी (BSE)व एनएससीवर नोंदणीकृत झाला आहे.आज बाजारात सूचीबद्ध झाल्यावर कंपनीचा समभाग (Share) १४० रुपयावर नोंदणीकृत झाला होता.'ग्रे ' मार्केटमध्ये ७ टक्के म्हणजेच साधारणतः १४७ रुपये प्रति समभाग दराने विकला जात आहे. बाजारात दाखल होण्यापूर्वी कंपनीने १४० रुपये प्रति समभाग प्राईज बँड निश्चित केला होता.
या आयपीओसाठी किरकोळ गुंतवणूकदारांना (Retail Investors) साठी किमान १३००० रुपयांची गुंतवणूक करणे बंधनकारक होते. पात्र संस्थात्मक गुंतवणूकदारांसाठी एकूण आयपीओतील २८.५७% वाटा निश्चित करण्यात आला होता.तर विना संस्थात्मक गुंतवणूकदार (NIB) यांच्यासाठी २१.४३ गुंतवणूक वाटा निश्चित करण्यात आला होता.तर उर्वरित ५० टक्के वाटा किरकोळ गुंतवणूकदारांसाठी खुला होता.
आज सकाळी नोंदणीकृत झाल्यावर प्रसारमाध्यमांनी दिलेल्या वृत्तानुसार आयपीओला मिश्र प्रतिसाद मिळाला आहे.या २२० कोटींच्या आयपीओला किरकोळ ग्राहकांकडून थंड प्रतिसाद मिळतानाच विना संस्थात्मक गुंतवणूकदारांचा तुलनात्मकदृष्ट्या चांगला प्रतिसाद मिळाला आहे.या गुंतवणूकदारांनी एकूण सबस्क्रिप्शनमधील ५७.३७ टक्के वाटा खरेदी केला आहे. किरकोळ गुंतवणूकदारांनी केवळ २०.८९ टक्के वाटा उचलला असून विना संस्थात्मक गुंतवणूकदारांनी १२१.७२ टक्के सबस्क्रिप्शन खरेदी केले.पात्र संस्थात्मक गुंतवणूकदारांकडून वाट्यातीर ७२.९७ टक्के वाटा खरेदी केला गेला आहे.
Scoda Tubes Limited कंपनी २००८ साली स्थापन झाली होती.कंपनी स्टेनलेस स्टील व पाईप क्षेत्रात कार्यरत आहे. गुजरात येथील या कंपनीकडून विविध पाईप्स व ट्युब्जचे दर्जेदार उत्पादन केले जाते.
आर्थिक वर्ष २०२३-२४ मध्ये चौथ्या तिमाहीत कंपनीच्या करोत्तर नफ्यात (Profit After Tax) मध्ये मार्च २०२४ मधील १८.३० कोटींच्या तुलनेत वाढत २४.९१ कोटींचा नफा झाला होता.तर मार्च २०२४ मधील ४०२.४९ कोटींच्या महसूलात डिसेंबर २०२४ मध्ये घट होत महसूल ३६३.४८ कोटींवर पोहोचला होता. कंपनीचे बाजार भांडवल (Market Capitalisation) ८३८.७३ कोटी आहे.
कंपनीने दिलेल्या माहितीनुसार,कंपनीकडून खेळते भांडवल (Working Capital Requirement), व्यवसाय वृद्धिंगत करण्यासाठी तसेच इतर दैनंदिन खर्चासाठी करण्यात येणार आहे.