प्रतिनिधी: तिसऱ्या दिवशी पुन्हा एकदा सोन्याच्या दरात वाढ झाली आहे. आज पुन्हा एकदा सोने प्रति ग्रॅम ११ रुपयांनी वाढले आहे. 'गुड रिटर्न्स ' संकेतस्थळावरील माहितीनुसार पुन्हा एकदा २४ कॅरेट प्रति ग्रॅम सोन्यात ही वाढ झाल्याने प्रति तोळा सोन्याची किंमत तब्बल ९९१७० रुपयांवर पोहोचली आहे.
२२ कॅरेट सोन्याच्या दरात प्रति ग्रॅम किंमत १० रुपयांनी वाढली असल्याने प्रति तोळा किंमत ९०९०० रुपयांवर पोहोचली आहे. १८ कॅरेट सोन्याच्या भावात ८ रुपयांनी वाढ होत प्रति तोळा ७४३७० रुपयांवर पोहोचले आहे. एमसीएक्स (Multi Commodity Exchange MCX) वर सोन्याच्या निर्देशांकात ०.३२ टक्क्यांनी वाढ झाल्याने सोने ९८०४० रुपये पातळीवर पोहोचले.चांदीच्या दरात देखील घसघशीत वाढ पहायला मिळत आहे. चांदी प्रति किलो १९०० रुपयांनी वाढत १०२०० रुपयांवर पोहोचली आहे.
एमसीएक्सवर चांदीच्या निर्देशांकात ०.१५ टक्क्याने वाढ होत पातळी १०१३७० रुपयांवर पोहोचली आहे. आंतरराष्ट्रीय बाजारातील गोल्ड फ्युचर निर्देशांक (Gold Future Index) जैसे थे असून ३३७५ पातळीवर होता. सध्या सुरू असलेल्या अनिश्चिततेच्या काळात सोने स्थिर राहण्याची अपेक्षा विश्लेषकांना आहे. फेडरल रिझर्व्हच्या पुढील धोरणात्मक हालचालींबाबत संकेतांसाठी गुंतवणूकदारांनी या आठवड्यातील आर्थिक प्रकाशनांवर, विशेषतः कामगार बाजारातील डेटावर बारकाईने लक्ष ठेवले पाहिजे.