भारतात २०२४ - २५ मध्ये ८१.०४ अब्ज अमेरिकन डॉलरची थेट परदेशी गुंतवणूक

  43

नवी दिल्ली : भारतात वेगाने विकास होत आहे. देशातील पायाभूत सुविधांमध्ये वाढ होत आहे. सरकारने गुंतवणूकस्नेही धोरण राबवण्यास सुरुवात केली आहे. भारतातील अनेक क्षेत्र आता १०० टक्के परदेशी गुंतवणुकीसाठी उपलब्ध आहेत. या सर्व प्रयत्नांचा फायदा होत आहे. भारतात २०२४ - २५ या एका आर्थिक वर्षात ८१.०४ अब्ज अमेरिकन डॉलरची थेट परदेशी गुंतवणूक झाली आहे.

देशात २०१३ - १४ मध्ये ३६.०५ अब्ज अमेरिकन डॉलरची थेट परदेशी गुंतवणूक झाली होती. तिथून भारताने प्रगती करत २०२३ - २४ मध्ये ७१.२८ अब्ज अमेरिकन डॉलरची थेट परदेशी गुंतवणूक मिळवली. यानंतर २०२४ - २५ या एका आर्थिक वर्षात भारतात ८१.०४ अब्ज अमेरिकन डॉलरची थेट परदेशी गुंतवणूक झाली आहे.

देशात २०२४ - २५ या एका आर्थिक वर्षात झालेल्या एकूण परकीय गुंतवणुकीपैकी १९ टक्के गुंतवणूक सेवा क्षेत्रात झाली. त्याखालोखाल १६ टक्के गुंतवणूक कॉम्प्युटर सॉफ्टवेअर आणि हार्डवेअर क्षेत्रात झाली. इतर व्यापारात आठ टक्के गुंतवणूक झाली. सेवा क्षेत्रातील गेल्या वर्षाच्या ६.६४ अब्ज अमेरिकन डॉलरच्या गुंतवणुकीत ४०.७७ टक्क्यांनी वाढ झाली. सेवा क्षेत्रात यंदा ९.३५ अब्ज अमेरिकन डॉलरची थेट परदेशी गुंतवणूक झाली आहे. याआधी २०२३ - २४ मध्ये सेवा क्षेत्रात १६.१२ अब्ज अमेरिकन डॉलरची थेट परदेशी गुंतवणूक झाली होती.

आर्थिक वर्ष २०२४ - २५ मध्ये देशात सर्वाधिक ३९ टक्के थेट परदेशी गुंतवणूक महाराष्ट्रात झाली. कर्नाटकमध्ये १३ टक्के, दिल्लीत १२ टक्के थेट परदेशी गुंतवणूक झाली. गुंतवणूक करणाऱ्या देशांमध्ये सिंगापूरमधून सर्वात जास्त ३० टक्के, मॉरिशसमधून १७ टक्के, अमेरिकेतून ११ टक्के थेट गुंतवणूक भारतात झाली.

मागील अकरा वर्षात (२०१४ ते २०२५) देशात ७४८.७८ अब्ज अमेरिकन डॉलरची थेट परदेशी गुंतवणूक झाली आहे. याआधीच्या अकरा वर्षांत (२००२३ ते २०१४) देशात ३०३.३८ अब्ज अमेरिकन डॉलरची थेट परदेशी गुंतवणूक झाली आहे. देशामध्ये २००२३ ते २०१४ च्या तुलनेत २०१४ ते २०२५ या कालावधीत १४३ टक्के जास्त अमेरिकन डॉलरची थेट परदेशी गुंतवणूक झाली आहे.

मागील २५ वर्षात देशात १०७२.३६ अब्ज अमेरिकन डॉलरची थेट परदेशी गुंतवणूक झाली आहे. यापैकी ७० टक्के थेट परदेशी गुंतवणूक २०१४ ते २०२५ दरम्यान देशत झाली आहे. भारतात थेट परदेशी गुंतवणूक करणाऱ्या देशांची संख्या २०१३ - १४ मध्ये ८९ होती ही संख्या २०२४ - २५ मध्ये ११२ झाली आहे.
Comments
Add Comment

Axiom 4: शुभांशू शुक्ला यांचे आंतरराष्ट्रीय स्पेस स्टेशनमध्ये जोरदार स्वागत, ISSमध्ये प्रवेश करणारे पहिले भारतीय

नवी दिल्ली: भारताचे अंतराळवीर ग्रुप कॅप्टन शुभांशु शुक्लासह चारही अंतराळवर आंतरराष्ट्रीय स्पेस स्टेशनमध्ये

Ramdas Athawale : हिंदी ही राष्ट्रभाषा आहे आणि तिला विरोध करणं योग्य नाही, रामदास आठवलेंची प्रतिक्रिया...

मुंबई : राज्यात शाळांमध्ये त्रिभाषा सूत्र राबण्याचा सरकारने घेतलेला निर्णय वादाच्या भोवऱ्यात सापडला आहे. याच

British Navy Fighter Jet : केरळमध्ये अडकलं ब्रिटिश लढाऊ विमान, काय आहे रहस्य?

११० दशलक्षचं विमान, अद्याप जमिनीवर सध्या इराण - इस्रायल, रशिया - युक्रेनमध्ये युद्धजन्य स्थिती आहे. नुकतंच भारत -

Pratap Sarnaik : वाहतूक व्यवसायकांना फायदा होणार ! ई-चलन समस्या सोडवण्यासाठी समिती स्थापन करावी, परिवहन मंत्र्यांचे आदेश...

मुंबई : गेले अनेक वर्षापासून वाहतूक व्यावसायकांना ई-चलन संदर्भात अडचणींचा सामना करावा लागतोय, ही बाब सरकारच्या

इंग्लंडचा दुसऱ्या कसोटीसाठीचा संघ जाहीर, आर्चरचे पुनरागमन

Archer included in England squad for second Test लंडन : इंग्लंड आणि भारत यांच्यात पाच कसोटी सामन्यांची मालिका सुरू आहे. या मालिकेतील पहिला

हिंदी सक्ती विरोधात चढाओढ! ठाकरेंचे मोर्चे मराठीसाठी की राजकीय शक्ती दाखवण्यासाठी?

मुंबई : एक मुद्दा… पण दोन मोर्चे! आणि दोघंही 'ठाकरे'. राज ठाकरे आणि उद्धव ठाकरे हे दोन बंधू एकत्र येतील, असं काही