ब्लॉक असल्यामुळे शनिवारी दुपारनंतर ७३ आणि रविवारी दिवसभरात ८९ अशा एकूण १६२ लोकल फेऱ्या रद्द करण्यात आल्या आहेत. दोन दिवस काही लोकल फेऱ्या विलंबाने धावतील. विशेष ब्लॉक असल्यामुळे ३१ मे रोजी धावणारी गाडी क्र.१९४१८ अहमदाबाद-बोरिवली एक्स्प्रेस वसई रोडपर्यंतच चालवण्यात येईल. १ जून रोजी (१९४१७) बोरिवली-अहमदाबाद एक्स्प्रेस वसईहूनच रवाना होईल. ३१ मे आणि १ जून रोजी (१९४२५) बोरिवली-नंदुरबार भाईंदर स्थानकावरून धावेल. ३१ मे रोजीची (१९४२६) नंदूरबार-बोरिवली वसई रोडपर्यंतच चालवण्यात येईल. एकूण चार एक्स्प्रेस फेऱ्यांवर परिणाम होणार आहे.
छत्रपती शिवाजी महाराज टर्मिनस (सीएसएमटी) ते विद्याविहार आणि 'सीएसएमटी' ते चुनाभट्टी/वांद्रेदरम्यान मध्य रेल्वेने रविवारी मेगाब्लॉक घोषित केला आहे. या वेळेत रेल्वे रुळांसह सिग्नलची देखभाल-दुरुस्तीची कामे करण्यात येणार आहेत. यामुळे काही लोकल फेऱ्या रद्द राहणार असून, काही विलंबाने धावणार आहेत.
मध्य रेल्वे
सीएसएमटी ते विद्याविहार दरम्यान जाणाऱ्या आणि येणाऱ्या धीम्या मार्गावर ब्लॉक
रविवार १ जून २०२५ रोजी सकाळी १०.५५ ते दुपारी ३.५५ पर्यंत ब्लॉक
ब्लॉक काळात जाणाऱ्या आणि येणाऱ्या धीम्या मार्गावरील लोकल फेऱ्या जलद मार्गावर वळवण्यात येतील. लोकल फेऱ्या घाटकोपरवरून पुन्हा जाणाऱ्या आणि येणाऱ्या धीम्या मार्गावर वळवण्यात येतील. काही लोकल फेऱ्या रद्द, तर काही २० मिनिटे विलंबाने धावतील.
हार्बर रेल्वे
सीएसएमटी ते चुनाभट्टी/वांद्रे जाणाऱ्या आणि येणाऱ्या मार्गावर ब्लॉक
रविवार १ जून २०२५ रोजी सकाळी ११.४० ते दुपारी ४.४० पर्यंत ब्लॉक
सीएसएमटी/वडाळा ते वाशी/बेलापूर/पनवेलदरम्यान धावणाऱ्या जाणाऱ्या आणि येणाऱ्या लोकल रद्द. हार्बरवरील प्रवाशांसाठी पनवेल ते कुर्ला दरम्यान विशेष फेऱ्या चालवण्यात येतील.