मुंबईला प्लेऑफ आधीच मोठा धक्का
मुंबई : मुंबई इंडियन्स संघाला प्लेऑफ आधीच मोठा झटका बसला आहे. मुंबई इंडियन्सचे महत्त्वाचे खेळाडू विकेटकिपर फलंदाज रायन रिकल्टन, ऑलराउंडर कॉर्बिन बॉश आणि विल जॅक्स यांना राष्ट्रीय कर्तव्यामुळे मायदेशी परतावे लागले आहे. आता आयपीएलच्या उर्वरित सामन्यांचा ते भाग नसतील. मुंबई इंडियन्सने सोशल मीडियावर पोस्ट शेअर करून ही माहिती दिली आहे.
रायन रिकल्टन आणि कॉर्बिन बॉश हे वर्ल्ड टेस्ट चॅम्पियनशिपची फायनल खेळणाऱ्या दक्षिण आफ्रिकन टीमचा भाग आहेत. विल जॅक्सचा वेस्ट इंडिज विरुद्ध होणाऱ्या वनडे सीरीजसाठी टीममध्ये समावेश करण्यात आला आहे. म्हणून हे तिन्ही खेळाडू मायदेशी निघून गेले आहेत. मुंबई इंडियन्सने एक व्हीडिओ शेअर केला आहे. या व्हीडिओत हेड कोच महेला जयवर्धने यांनी या खेळाडूंना निरोप दिला. मी स्टाफ आणि टीमच्या वतीने रायन आणि बोस्कीला टेस्ट चॅम्पियनशिपच्या फायनलसाठी शुभेच्छा देतो. चांगले खेळा. त्याचप्रमाणे तुम्ही शानदार प्रदर्शन केले आहे. तुम्हाला जाताना पाहून दु:ख होतय. पण तुम्हाला शुभेच्छा, असे जयवर्धने यांनी आफ्रिकी क्रिकेटपटूंसाठी म्हटले आहे.
तसेच रायन रिकल्टन मुंबईकडून सलामीला यायचा. त्याने अनेक सामन्यात दमदार सलामी दिली. रायन रिकल्टनने आपल्या फलंदाजीच्या जोरावर अनेकदा टीमला अडचणीतून बाहेर काढले. कॉर्बिन बॉशने आपल्या ऑलराऊंडर क्षमतेने टीमच संतुलन वाढवले. विल जॅक्सने सुद्धा मीडिल ऑर्डरमध्ये वेगाने धावा बनवल्या. त्यामुळे निश्चित प्लेऑफमध्ये मुंबई इंडियन्सला या तीन खेळाडूंची कमतरता जाणवू शकते. या तिघांच्या जागी मुंबई इंडियन्सने इंग्लंडचा अनुभवी विकेटकिपर फलंदाज जॉनी बेयरस्टो, इंग्लंडचा वेगवान गोलंदाज रिचर्ड ग्लीसन आणि श्रीलंकेचा फलंदाज चरिथ असलंका यांचा टीममध्ये समावेश
केला आहे.
आयपीएलच्या बाद फेरीचे वेळापत्रक
गुरुवार, २९ मे २०२५ - क्वालिफाय १, पंजाब विरुद्ध बंगळूरु
शुक्रवार, ३० मे २०२५ - एलिमिनेटर, मुंबई इंडियन्स विरुद्ध गुजरात
रविवार, १ जून २०२५ - क्वालिफाय २
मंगळवार, ३ जून - अंतिम सामना, अहमदाबाद