Face Mask : चेहऱ्यावर झटपट चमक आणण्यासाठी वापरा स्वयंपाकघरातील एक फळभाजी!

  65

मुंबई : आपल्या सर्वांनाच आपली त्वचा चमकदार हवी असते. यासाठी आपण बाजारात असलेल्या महागड्या उत्पादनांचाही वापर करतो. पण बऱ्याचदा फरक दिसून येथ नाही. त्यामुळे अनेकांचा कल हा सध्या घरगुती उपायांकडे वळत आहे. जर तुम्ही पण घरगुती उपाय करताय तर स्वयंपाकघरातील या एका फळभाजीपासून तुम्ही तुमचा चेहरा चमकदार करू शकता.


तर यासाठी तुम्ही तुमच्या स्वयंपाकघरातील भाज्यांची चव वाढवणारे टोमॅटोचा स्किन केअर रूटिंगमध्ये समावेश करू शकता.जे तुमच्या त्वचेच्या काळजीचा एक भाग आहे. हे केवळ तुमची त्वचा स्वच्छ करणार नाही तर मुरुम, काळे डाग यासारख्या समस्यांपासून आराम देण्यास देखील मदत करेल. तर या लेखात तुम्ही टोमॅटोला तुमच्या स्किन केअरचा भाग कसा बनवू शकता ते जाणून घेऊया.


टोमॅटोमध्ये भरपूर पोषक तत्वे असतात. त्यात व्हिटॅमिन ए, के, सी, लायकोपीन आणि अँटीऑक्सिडंट्स असतात जे त्वचेची नैसर्गिक चमक टिकवून ठेवण्यास मदत करतात. उन्हाळ्यात ते चेहऱ्यावर लावल्याने टॅनिंगची समस्याही कमी होते.



टोमॅटोने बनवा हे ५ फेस पॅक


१) टोमॅटो आणि मधाचा फेस पॅक


टोमॅटो आणि मधाचा फेस पॅक बनवण्यासाठी, एका भांड्यात टोमॅटोची प्यूरी घ्या. नंतर त्यात दही, बेसन टाका आणि फेस पॅक बनवा. आता तयार फेसपॅक १५-२० मिनिटे चेहऱ्यावर ठेवा आणि नंतर थंड पाण्याने चेहरा धुवा. यामुळे तुमची त्वचा मऊ होईल आणि तुम्हाला त्वरित चमक देखील मिळेल.


२) टोमॅटो आणि हळदीचा फेस पॅक


टोमॅटो आणि हळद दोन्ही त्वचा स्वच्छ करण्यास मदत करतात. एका भांड्यात टोमॅटोचा रस काढा आणि त्यात थोडी हळद आणि गुलाबपाणी टाका. नंतर हा फेस पॅक चेहऱ्यावर १०-१५ मिनिटे लावा. यामुळे तुमची त्वचा नैसर्गिकरित्या चमकू लागते आणि हळदीमध्ये अँटीबॅक्टेरियल आणि अँटीसेप्टिक गुणधर्म असतात जे तुमच्या चेहऱ्यावरील मुरुमांची समस्या कमी करण्यास मदत करतात.


३) टोमॅटो आणि कॉफीचा फेस पॅक


टोमॅटो आणि कॉफीचा फेस पॅक बनवण्यासाठी, एका भांड्यात थोडे दही, टोमॅटोचा रस आणि कॉफी पावडर मिक्स करा, यानंतर ते चेहऱ्यावर १५ मिनिटे लावा आणि नंतर चेहरा धुवा. तेलकट त्वचा असलेल्यांसाठी हा फेस पॅक सर्वोत्तम आहे.


४) टोमॅटो आणि लिंबू त्वचेसाठी वरदान


टोमॅटो आणि लिंबू दोन्हीमध्ये व्हिटॅमिन सी जास्त प्रमाणात असते. त्यामुळे ते त्वचा स्वच्छ आणि नितळ होण्यास मदत होते. यासाठी एका भांड्यात टोमॅटोच्या रसात लिंबाचा रस मिक्स करा आणि तो चेहऱ्यावर १०-१५ मिनिटे लावा आणि नंतर चेहरा धुवा. यामुळे तुमची त्वचा चमकदार होईल.


५) टोमॅटो आणि काकडीचा फेस पॅक


उन्हाळ्यात त्वचेला हायड्रेट ठेवण्यासाठी तुम्ही टोमॅटो आणि काकडीचा वापर करू शकता. यासाठी टोमॅटो आणि काकडीचा रस एकत्र करून चेहऱ्यावर लावा. यामुळे तुमच्या चेहऱ्यावरील टॅनिंग देखील कमी होते.



(टीप : वरील सर्व बाबी प्रहार केवळ माहिती म्हणून वाचक-प्रेक्षकांपर्यंत पोहोचवत आहे. यातून प्रहार कोणताही दावा करत नाही.)

Comments
Add Comment

शरीरासाठी व्हिटॅमिन बी १२ का आहे गरजेचे ?

मुंबई : व्हिटॅमिन बी १२ हे शरीरासाठी अत्यंत गरजेचे जीवनसत्त्व आहे. याचे मुख्य काम म्हणजे रक्तात लाल पेशी तयार

दुर्गंधीयुक्त श्वासाची कारणे आणि घरगुती उपाय

दुर्गंधीयुक्त श्वास, ज्याला हॅलिटोसिस देखील म्हणतात, ही एक सामान्य समस्या आहे जी एखाद्याच्या आत्मविश्वासावर

निरोगी आणि तंदुरुस्त राहण्यासाठी शेवग्याच्या शेंगांची पावडर खा

मुंबई : शेवग्याच्या शेंगांची पावडर म्हणजेच मोरिंगा (Moringa oleifera or Moringa Powder). ही पावडर आरोग्यासाठी खूप फायदेशीर आहे. यात

Health: योगा करण्याआधी आणि नंतर खा या गोष्टी, मिळतील दुप्पट फायदे

मुंबई: दरवर्षी २१ जून हा दिवस आंतरराष्ट्रीय योग दिवस म्हणून साजरा केला जातो. योगामुळे शारिरीक, मानसिक आणि

हृदयरोगापासून दूर राहण्यासाठी 'या' ट्रिक्स जाणून घ्या: लक्षणांशिवायही धोका संभव!

मुंबई : आपल्याला अनेकदा वाटते की छातीत दुखणे, धाप लागणे किंवा थकवा जाणवणे ही हृदयरोगाची लक्षणे आहेत. पण सर्वात

सकाळी उठल्यावर किती पाणी प्यावे? जाणून घ्या तज्ञांकडून

मुंबई: तुम्ही कधी विचार केलाय का की सकाळी उठल्यावर सगळ्यात आधी काय केले पाहिजे? याचे उत्तर आहे पाणी पिणे. सकाळी