मुंबई : इंडियन प्रीमियर लीग २०२५च्या ६६व्या सामन्यात आज पंजाब किंग्स संघाला दिल्ली कॅपिटल्सने ६ विकेट राखत हरवले. याविजयासह दिल्लीने आयपीएलचा शेवट गोड केला आहे. दिल्लीसमोर पंजाबने विजयासाठी २०७ धावांचे आव्हान ठेवले होते. दिल्लीने हे आव्हान ६ विकेट राखत पूर्ण केले.
या सामन्यात टॉस जिंकत दिल्लीने पंजाबला फलंदाजीचे निमंत्रण दिले होते. पंजाबने पहिल्यांदा फलंदाजी करताना २० षटकांत ८ बाद २०६ धावा केल्या होत्या. दिल्लीला या सामन्यात विजय मिळवायचा असेल तर त्यांना २०७ धावा हव्या होत्या. दिल्लीने या सामन्यात २०८ धावा केल्या.
दिल्लीकडून समीर रिझवीने सर्वाधिक ५८ धावा ठोकल्या. तर सलामीवीर केएल राहुलने ३५ धावा केल्या. फाफ डू प्लेसिसने २३ धावा केल्या. करूण नायरने ४४ धावांची खेळी केली.
तत्पूर्वी, पहिल्यांदा फलंदाजीस उतरलेल्या पंजाबची सुरूवात चांगली राहिली नाही. प्रियांश आर्य आणि प्रभासिमरन यांनी डावाची सुरूवात केली. मात्र दुसऱ्याच षटकांत प्रियांशने विकेट गमावली. त्याने केवळ ६ धावा केल्या. यानंतर जोस इंग्लीश आणि प्रभसिमरनची चांगली जोडी जमली. दोघांनी तडाखेबाज खेळी केली. ५ षटकांत त्यांनी पंजाबचा स्कोर ५० पार नेला. यानंतर ८व्या षटकांत प्रभासिमरनने आपली विकेट गमावली. यानंतर कर्णधार श्रेयस अय्यर आणि नेहाल वढेरा यांच्यात चांगली भागीदारी झाली. ११व्या षटकांत पंजाब १०० पार पोहोचला. मात्र १३व्या षटकांत पंजाबला चौथा झटका बसला. नेहाल १६ धावा करून बाद झाला. यानंतर १६व्या षटकांत शशांक बाद झाला. मात्र दुसऱ्या बाजूला श्रेयस अय्यर टिकून होता. त्याने १७व्या षटकांत अर्धशतक ठोकले. यानंतर तो बाद झाला.