मुंबई : बॉलीवूडची 'ब्लॅक ब्युटी' आणि एकेकाळची फिटनेस आयकॉन बिपाशा बासू (Bipasha Basu) पुन्हा एकदा चर्चेत आली आहे. मात्र यावेळी तिच्या अभिनयामुळे नाही, तर तिच्या बदललेल्या लूकमुळे!
सध्या सोशल मीडियावर बिपाशाचा एक व्हिडिओ प्रचंड व्हायरल होत आहे. जिममधून बाहेर पडताना टिपलेला हा व्हिडिओ पाहून नेटकरी थक्क झाले आहेत. ट्रॅक पँट, टॉप आणि गळ्यात जिम बॅग घेतलेली बिपाशा स्पष्टपणे स्थूल दिसतेय. तिच्या चेहऱ्यावरही वजनवाढीचे परिणाम स्पष्ट दिसत आहेत.
ती पापाराझींना पाहताच चिडते आणि "अरे यार" म्हणत कारमध्ये बसते. नंतर ती चेहराही लपवते. 'फिल्मीग्यान' पेजवर व्हिडिओ शेअर करण्यात आला आहे.
यानंतर नेटकऱ्यांनी लगेच प्रतिक्रिया द्यायला सुरुवात केली. "ही कोकिलाबेन वाटतेय", "ओळखूच आली नाही" अशा टीका सुरू झाल्या. काहींनी मात्र तिचं समर्थन करत, "प्रेग्नंसीनंतर शरीर बदलतं, ती अजूनही जिम करत आहे, हे महत्वाचं आहे" असंही म्हटलं.
२०२२ मध्ये बिपाशाने मुलीला जन्म दिला होता, तिचं नाव 'देवी' आहे. तिने सोशल मीडियावर अनेकदा पती करणसिंह ग्रोवरसोबत आणि लेकीसोबतचे आनंदाचे क्षण शेअर केले आहेत.
सध्या बिपाशा चित्रपटसृष्टीपासून दूर आहे. ती शेवटची २०१८ मध्ये ‘वेलकम टू न्यूयॉर्क’ मध्ये पाहुण्या कलाकाराच्या भूमिकेत दिसली होती.