ICC Ranking : रवींद्र जडेजाने रचला भला मोठा इतिहास! आयसीसी कसोटी अष्टपैलू खेळाडूंच्या यादीत पहिल्या क्रमांकावर

  18

मुंबई : रवींद्र जडेजाने एका विश्वविक्रमाला गवसणी घातली आहे. आयसीसीने कसोटी अष्टपैलू खेळाडूंची नवीन क्रमवारी नुकतीच जाहीर केली आहे, ज्यामध्ये रवींद्र जडेजा ४०० रेटिंग गुणांसह अव्वल स्थानावर आहे. जडेजाने रचलेला विश्वविक्रम म्हणजे तो आयसीसी कसोटी अष्टपैलू खेळाडूंच्या श्रेणीत सर्वाधिक दिवसांपर्यंत पहिल्या क्रमांकावर राहणारा पहिला खेळाडू ठरला आहे.



अष्टपैलू रवींद्र जडेजाची बाजी


रवींद्र जडेजाने ९ मार्च २०२२ रोजी वेस्ट इंडिजच्या जेसन होल्डरला मागे टाकून जगातील नंबर वन टेस्ट अष्टपैलू खेळाडू बनला होता. तेव्हापासून ३८ महिने होऊन गेले तरीही रवींद्र जडेजा ११५२ दिवसांपासून सतत पहिल्या क्रमांकावर राहिला आहे. २०२२ मध्ये जेव्हा रवींद्र जडेजा जगातील नंबर वन टेस्ट अष्टपैलू खेळाडू बनला होता, तेव्हा त्याला ही कामगिरी करण्याची दुसरी संधी मिळाली होती. कारण त्याआधी, तो ऑगस्ट २०१७ मध्ये एका आठवड्यासाठी नंबर वन या जागेवर आला होता.


ताज्या कसोटी अष्टपैलू क्रमवारीत अव्वल स्थान कायम राखण्यासाठी रवींद्र जडेजाची थेट स्पर्धा बांगलादेशच्या मेहदी हसन मिराजसोबत होती, त्याचे ३२७ रेटिंग गुण आहेत. नवीन क्रमवारीत, मेहदी हसनने मार्को जॅन्सनला मागे टाकून क्रमांक २ चे स्थान मिळवले होते. मार्को जॅन्सनने एक स्थान गमावले आहे आणि तो आता तिसऱ्या क्रमांकावर आला आहे, त्याच्या नावे २९४ रेटिंग गुण आहेत.


तसेच पॅट कमिन्स हा चौथ्या क्रमांकाचा अष्टपैलू खेळाडू ठरला आहे. तर बांगलादेशचा शाकिब अल हसन पाचव्या स्थानावर विराजमान आहे. जडेजा वगळता टॉप १० मध्ये दुसरा कोणताही अष्टपैलू खेळाडूचा समावेश नाही. त्याच्यानंतर, अक्षर पटेल कसोटी अष्टपैलू खेळाडूंच्या यादीत १२ व्या क्रमांकावर आहे.

Comments
Add Comment

French Open 2025 जिंकण्याचे जोकोविचचे स्वप्न अपूर्णच राहिले, उपांत्य फेरीत पराभव

पॅरिस : फ्रेंच ओपन २०२५ टेनिस स्पर्धा जिंकण्याचे सर्बियाच्या नोवाक जोकोविचचे स्वप्न अपूर्णच राहिले. टेनिसच्या

Shubhman Gill : १८ वर्षानंतर शुभमन गिल रचणार इंग्लंडमध्ये इतिहास?

नवी दिल्ली : टीम इंडियाचा नवनियुक्त कर्णधार शुभमन गिलला इंग्लंड दौऱ्यामध्ये मोठ्या अग्निपरीक्षेला सामोर जावे

Bangalore Stampede : चेंगराचेंगरी प्रकरणी विराट कोहलीवरही गुन्हा दाखल

बंगळुरू: बंगळुरूमध्ये रॉयल चॅलेंजर्स बंगळुरूच्या विजयी परेड दरम्यान झालेल्या चेंगराचेंगरी प्रकरणात स्टार