किराणा हिल्सवर हल्ला? भारताच्या ‘ऑपरेशन सिंदूर’नंतर पाकिस्तानात अणुऊर्जेचा गूढ गोंधळ!

वॉशिंग्टन/नवी दिल्ली : भारताच्या ‘ऑपरेशन सिंदूर’नंतर पाकिस्तानात एक वेगळाच गोंधळ सुरू झाला आहे. सोशल मीडियावर जोरदार चर्चा आहे की भारताने पाकिस्तानच्या संवेदनशील अण्वस्त्र साठ्यावर हल्ला केला आणि त्यानंतर तिथे न्यूक्लिअर रेडिएशन लीक झालं आहे. ही माहिती अजून अधिकृतरीत्या सिद्ध झालेली नसली तरी अमेरिकेनेही या चर्चेकडे दुर्लक्ष केलेलं नाही.


१० मे रोजी भारताने पाकव्याप्त काश्मीरसह पाकिस्तानातील ८ पेक्षा अधिक एअरबेसवर लक्ष केंद्रीत करून जोरदार हवाई कारवाई केली. यात सरगोधा, नूर खान, पसरूर, सियालकोट, रहीम यार खान, रडार सेंटर, कमांड अँड कंट्रोल युनिट यांचा समावेश होता. सॅटेलाईट फोटोंवरून या हल्ल्यांचं प्रमाण स्पष्टपणे दिसून येतंय.



मात्र या कारवाईनंतर सर्वाधिक चर्चेत आलं ते म्हणजे किराणा हिल्स. हा भाग पाकिस्तानच्या अण्वस्त्र साठ्यासाठी प्रसिद्ध असून, हाच परिसर भारताच्या हल्ल्याचं लक्ष्य ठरला, असा सोशल मीडियावर दावा करण्यात येत आहे. यातूनच तिथे अणु किरणोत्सर्ग झाला असल्याचंही बोललं जातंय.


या चर्चेनंतर अमेरिकेने रेडिएशन डिटेक्शन विमान पाकिस्तानमध्ये पाठवलं असल्याचंही काही मीडिया रिपोर्ट्समध्ये नमूद करण्यात आलं. मात्र अमेरिकेच्या परराष्ट्र विभागाने या संपूर्ण प्रकरणावर सध्या कोणतंही भाष्य करण्यास नकार दिला आहे.


भारतीय वायुदलाचे एअर मार्शल ए. के. भारती यांनी पत्रकार परिषदेत या दाव्यांना फेटाळून लावलं. "किराणा हिल्समध्ये अण्वस्त्र आहेत हे सांगितल्याबद्दल पाकिस्तानचे आभार," असं ते मिश्कीलपणे म्हणाले. "आम्हाला याची आधी कल्पना नव्हती."


विशेष म्हणजे, पाकिस्तानकडूनही अद्याप आंतरराष्ट्रीय अणु संस्थेकडे कुठल्याही प्रकारची चौकशी मागवलेली नाही. त्यामुळे सोशल मीडियावर सुरू असलेली रेडिएशन लीकची चर्चा अफवाच असण्याची शक्यता तज्ज्ञांकडून वर्तवली जात आहे.


पाकिस्तानच्या अणु कार्यक्रमाच्या सुरक्षेवर नेहमी प्रश्नचिन्ह असले तरी यावेळी या चर्चेने पुन्हा एकदा जागतिक लक्ष तिकडे वळवले आहे. भारताच्या शांततेच्या संदेशामागे लपलेली सामर्थ्याची ताकद पुन्हा एकदा जगासमोर ठसठशीतपणे उभी राहिली आहे.

Comments
Add Comment

अमेरिका करणार अणवस्त्रांची चाचणी, रशियाच्या पार्श्वभूमीवर ट्रम्प यांचा मोठा निर्णय!

अमेरिका: रशियाने नुकतेच 'पोसायडन' नावाच्या आण्विक-शक्तीवर चालणाऱ्या अंडरवॉटर ड्रोनची चाचणी यशस्वी केल्याचे

नॅशनल गार्डचे जवान २०२६ पर्यंत 'नागरी अशांती'साठी प्रशिक्षित केले जातील, अमेरिकन संरक्षण खात्याची माहिती

वॉशिंग्टन: अमेरिकेत आता नागरी अशांती आणि मोठ्या दंगली नियंत्रणात आणण्यासाठी एक मोठी तयारी

युद्ध पुन्हा पेटले! इस्रायलच्या हवाई हल्ल्यात १०४ पॅलेस्टिनी नागरिक ठार

ट्रम्प यांच्या मध्यस्थी नंतरही शस्त्रसंधी कराराचे उल्लंघन Gaza war : गाझा पट्टीमध्ये रात्री झालेल्या हवाई

अमेरिका-चीन भेटीआधीच ड्रॅगनची डरकाळी! गरज पडल्यास बळाचा वापर करण्यासही मागेपुढे पाहणार नाही, चीनची अमेरिकेला स्पष्ट धमकी

ट्रम्प यांच्यासोबतच्या भेटीपूर्वी चीनचे राष्ट्राध्यक्ष शी जिनपिंग झाले आक्रमक बीजिंग: अमेरिकेचे

कॅनडामध्ये भारतीय वंशाच्या उद्योगपतीची हत्या! बिश्नोई टोळीतील सदस्याने दिली हत्येची कबूली

कॅनडा: कॅनडात भारतीय वंशाचे उद्योगपती दर्शन सिंग साहसी यांची गोळ्या झाडून हत्या करण्यात आली आहे. कॅनडातील

Police Encounter : इतिहासातील सर्वात मोठ्या एन्काऊंटरचा थरार! एका रात्रीत ६४ गुंडांचा खात्मा, कारवाईने देश हादरला

साओ पावलो, ब्राझील : एक काळ असा होता जेव्हा मुंबईत अंडरवर्ल्डची मोठी दहशत होती. ही दहशत मोडून काढण्यासाठी प्रदीप