पुणे : देशातील तणावपूर्ण परिस्थितीमुळे इन्स्टिट्यूट ऑफ चार्टर्ड अकाउंटंट्स ऑफ इंडियाने (आयसीएआय) सनदी लेखापाल (चार्टर्ड अकाउंटंट) अभ्यासक्रमाची परीक्षा लांबणीवर टाकण्याचा निर्णय जाहीर केला आहे. त्यात ९ ते १४ मे या कालावधीत होणाऱ्या सीए अंतिम, इंटरमिजिएट, पोस्ट क्वॉलिफिकेशन कोर्स या परीक्षांचा समावेश आहे. आयसीएआयने प्रसिद्धिपत्रकाद्वारे याबाबतची माहिती दिली.
भव्य पुतळ्याचे मुख्यमंत्री देवेंद्र फडणवीस करणार पूजन किल्ले राजकोट येथे उपमुख्यमंत्री एकनाथ शिंदे, सार्वजनिक बांधकाम मंत्री शिवेंद्रराजे भोसले, ...
आयसीएआयने जाहीर केलेल्या वेळापत्रकानुसार २ ते १४ मे या कालावधीत परीक्षा आयोजित करण्यात आल्या होत्या. त्यात इंटरमिजिएट परीक्षेत गट-१ ची परीक्षा ३, ५ आणि ७ मे रोजी, तर गट-२ मधील परीक्षा ९, ११ आणि १४ मे रोजी होणार होती. तसेच, अंतिम परीक्षेतील गट-१ मधील परीक्षा २, ४ आणि ६ मे रोजी, तर गट-२ मधील परीक्षा ८, १० आणि २३ मे रोजी घेण्याचे नियोजन होते; परंतु देशात उद्भवलेल्या तणावपूर्ण परिस्थितीचा विचार करून विद्यार्थ्यांच्या सुरक्षिततेबाबतची काळजी यामुळे परीक्षा पुढे ढकलण्यात आली आहे. परिस्थिती पूर्वपदावर आल्यावर परीक्षा घेतल्या जातील. नव्याने वेळापत्रक जाहीर करण्यात येणार आहे.