स्टेशनवर उतरुन थेट बाप्पा चरणी
मुंबई : मुंबई मेट्रो (Mumbai metro) रेल कॉर्पोरेशन लिमिटेडने प्रसिद्ध श्री सिद्धिविनायक मंदिराशेजारी (Siddhivinayak Temple) असलेल्या सिद्धिविनायक मेट्रो स्टेशनचा पहिली झलक शेअर केली आहे. ज्यामध्ये असंख्य प्रवाशांना आणि भाविकांना सुविधा देण्यासाठी मेट्रो स्थानकाची रचना आणि टीमवर्क अधोरेखित केले आहे. मुंबई महानगर प्रदेश विकास प्राधिकरणाने म्हणजेच, एमएमआरडीएने (MMRDA) ८ एप्रिल रोजी स्थानकाचे विद्युत काम पूर्ण केले. त्यानंतर १६ एप्रिलपासून मेट्रो ट्रेनची चाचणी सुरू करण्यात आली. आता दररोज मेट्रो ट्रेनच्या चाचण्या होतील. यामध्ये ट्रेन आणि उर्वरित यंत्रणा तपासली जाईल. मुंबईतील नव्याने बांधण्यात आलेल्या सिद्धिविनायक मेट्रो स्टेशनची पहिली झलक दिली आहे.
छायाचित्रे पोस्ट करताना अधिकाऱ्यांनी लिहिले, "मुंबईतील सर्वात प्रसिद्ध मंदिरांपैकी एकाच्या शेजारी असलेल्या सिद्धिविनायक मेट्रो स्टेशनचे एक दुर्मिळ दृश्य, जिथे श्रद्धेला डिझाइनशी जोडण्यात आले आहे." अरुंद भागातून आणि सततच्या गर्दीतून जाणारे हे स्टेशन अतिरिक्त लक्ष पुरवून आणि टीमवर्कने बांधण्यात आले. आज, ते हजारो लोकांना सोयीस्कर, गतीशील आणि विचारशीलतेने आशीर्वादांशी जोडते. कुलाबा-वांद्रे-सीप्झ मेट्रो लाईन ३ ची निर्मिती मुंबई मेट्रो रेल कॉर्पोरेशन लिमिटेड (MMRCL) द्वारे केली जात आहे.
सिद्धिविनायक स्टेशनवर उतरून थेट बाप्पा चरणी
एमएसएमआरसीएलच्या अधिकृत हँडलने सिद्धिविनायक मेट्रो स्टेशनची पहिली झलक पोस्ट केली आहे. भाविक आता आरामात मुंबई मेट्रोमध्ये चढू शकतील, सिद्धिविनायक स्टेशनवर उतरू शकतील आणि गणपती बाप्पाचे दर्शन घेऊ शकतील. हे सिद्धिविनायक मेट्रो स्टेशन बीकेसी ते आचार्य अत्रे चौक या मेट्रो मार्गावर बांधले आहे. चित्रांमध्ये स्टेशन खूप सुंदर दिसत आहे. अॅक्वा लाईनवरील सिद्धिविनायक मेट्रो स्टेशन (मुंबई मेट्रो लाईन ३) प्रसिद्ध सिद्धिविनायक मंदिराजवळ आहे आणि ते दादर बीच आणि रवींद्र नाट्य मंदिर तसेच इतर ठिकाणांना जोडेल. लाईन ३ म्हणून ओळखली जाणारी अॅक्वा लाईन ही मुंबईतील पहिली पूर्णपणे भूमिगत मेट्रो लाईन आहे.
सिद्धिविनायक मेट्रो स्टेशन खास
सिद्धिविनायक मंदिर हे मुंबईतील (Mumbai Siddhivinayak) सर्वात प्रतिष्ठित आणि प्रसिद्ध मंदिरांपैकी एक आहे. येथील मेट्रो स्टेशन मंदिराच्या अगदी शेजारी बांधण्यात आले आहे. जेणेकरून भाविक मेट्रोमधून उतरून कोणत्याही अडचणीशिवाय थेट मंदिरात प्रवेश करू शकतील. मुंबईतील नव्याने बांधण्यात आलेल्या सिद्धिविनायक मेट्रो स्टेशनची पहिली झलक दिली आहे. छायाचित्रे पोस्ट करताना अधिकाऱ्यांनी लिहिले, "मुंबईतील सर्वात प्रसिद्ध मंदिरांपैकी एकाच्या शेजारी असलेल्या #सिद्धिविनायक मेट्रो स्टेशनचे एक दुर्मिळ दृश्य, जिथे श्रद्धेला डिझाइनशी जोडण्यात आले आहे." अरुंद भागातून आणि सततच्या गर्दीतून जाणारे हे स्टेशन अतिरिक्त लक्ष पुरवून आणि टीमवर्कने बांधण्यात आले. आज, ते हजारो लोकांना सोयीस्कर, गतीशील आणि विचारशीलतेने आशीर्वादांशी जोडते.