मोहाली: इंडियन प्रीमियर लीग २०२५च्या ३१व्या सामन्यात आज पंजाबच्या मैदानावर जबरदस्त सामना पाहायला मिळाला. खरंतर जिंकण्यासाठी प्रतिस्पर्धी संघाला आव्हान फारच छोटे होते. मात्र न भूतो न भविष्यती अशी कामगिरी पंजाब किंग्सने करून दाखवली. घरच्या मैदानावर पंजाब किंग्स संघाचा जलवा पाहायला मिळाला.
आज कोलकत्ता नाईट रायडर्सविरुद्धच्या सामन्यात पंजाबने १६ धावांनी विजय मिळवला आहे. पंजाबने विजयासाठी केवळ ११२ धावांचे आव्हान कोलकत्ता नाईट रायडर्सला दिले होते. मात्र इतके छोटे आव्हानही कोलकत्त्याला पेलता आले नाही. त्यांचे एकामागोमाग एक फलंदाज बाद होत गेले आणि संपूर्ण संघ अवघ्या ९५ धावांवर पॅव्हेलियनमध्ये परतला.
या सामन्यात पंजाबचा कर्णधार श्रेयस अय्यरने टॉस जिंकत पहिल्यांदा फलंदाजीचा निर्णय घेतला. मात्र पंजाबचा संघ संपूर्ण २० षटकेही खेळू शकला नाही. १६व्या षटकांतच १११ धावांवर त्यांचा डाव आटोपला. कोलकत्त्याकडून हर्षित राणाने ३ विकेट मिळवल्या तर वरूण चक्रवर्ती आणि सुनील नरेनने प्रत्येकी २ विकेट मिळवल्या.
एकूण धावसंख्या पाहता कोलकत्ता सहज हे आव्हान पार करेल असे वाटत होते. मात्र केकेआरचा संघ मैदानावर सुरूवातीपासूनच दबावात दिसला. चहलच्या फिरकीसमोर रहाणेच्या टीमचे काही चालले नाही. पंजाबच्या गोलंदाजांनी कोलकाताला ११२ धावाही करू दिल्या नाहीत. कोलकत्त्याचा संघ १६व्या षटकांत ९५ धावांवरच तंबूत परतला. पंजाबकडून चहलने सर्वाधिक ४ विकेट घेतल्या.
मुंबई : महाराष्ट्रात पहिली ते पाचवीपर्यंत इंग्रजीबरोबर हिंदी भाषाही सक्तीची करण्याच्या राज्य सरकारच्या निर्णयावर टीकेची…
मुंबई: जम्मू-काश्मीरच्या अनंतनाग जिल्ह्यातील पहलगाम येथे आज, मंगळवारी झालेल्या दहशतवादी हल्ल्यात सुमारे २७ जणांचा मृत्यू…
मुंबई : ग्रामीण असो किंवा शहरी भाग, लोकांना पिण्याच्या पाण्यासाठी वणवण करावी लागू नये. उन्हाळा…
इंडिया कॉलिंग : डॉ. सुकृत खांडेकर महाराष्ट्रात यापुढे पहिलीपासून हिंदी भाषा शिकवणे अनिवार्य होणार आहे.…
श्रीनगर : जम्मू-काश्मीरच्या पहलगाममध्ये दहशतवाद्यांनी पर्यटक आणि स्थानिकांवर अंदाधुंद गोळीबार केला. या गोळीबारात २७ व्यक्तींचा…
मुंबई: इंडियन प्रीमियर लीग २०२५च्या ४०व्या सामन्यात लखनऊ सुपर जायंट्स आणि दिल्ली कॅपिटल्स यांच्यात टक्कर…