मुंबई(ज्ञानेश सावंत): आजचे दोन्ही संघ प्रत्येकी दोन सामने जिंकलेले आहेत. दोन्ही संघाची तुलना करायची झाल्यास ते एकमेकांस तुल्य बळ आहेत. लखनऊ व कोलकत्ता या दोन्ही संघांचे फळदाजीवर वर्चस्व आहे. कोलकत्ताकडे वेंकटेश अय्यर, रिंकू सिंग सारखे हिटर आहेत त्याच बरोबर सय्यमाने खेळणारे अजिंक्य रहाणे, रघुवंशी आहेत. समोरच्या संघात भेदक सलामीवीर आहेत, मार्श व मकरम सुरवाती पासूनच समोरच्या संघावर दबाव टाकण्याचा प्रयत्न करतात. त्यांचा तोच आक्रमकपणा निकोलस पूरण पुढे चालू ठेवतो.
आजच्या सामन्यात लखनऊ संघाला नाणेफेक जिंकून प्रथम फलंदाजी करणे अपेक्षित आहे. जर त्यांनी प्रथम फलंदाजी करून २२०-२३० चे आव्हान कोलकत्ता समोर ठेवले तर कदाचित निर्णय लखनऊच्या बाजूने लागू शकतो. धावांचा पाठलाग करताना कोलकत्ताची फलंदाजी कमकुवत पडू शकते कारण आज पर्यंत मागील चार सामन्यात त्यांनी धावांचा पाठलाग करून सामना जिंकलेला नाही.
कोलकत्तासाठी जमेची बाजू म्हणजे आजचा सामना त्यांच्या घरच्या मैदानावर खेळला जात आहे आणि त्यामुळे कोलकत्ता प्रथम गोलंदाजी घेऊन फिरकीच्या जोरावर सामना लवकर गुंडाळण्याचा प्रयत्न करेल.
