बंगळुरू: आयपीएल २०२५मध्ये आज घरच्या मैदानावर रॉयल चॅलेंजर्स बंगळुरूला पराभवाचा सामना करावा लागला. त्यांना गुजरात टायटन्स संघाने ८ विकेट राखत हरवले. आरसीबीने पहिल्यांदा फलंदाजी करताना ८ बाद १६९ धावा केल्या होत्या. मात्र गुजरात टायटन्सने हे आव्हान ८ विकेट राखत पूर्ण केले.
१७० धावांचे आव्हान घेऊन मैदानात उतरलेल्या गुजरातची सुरूवात शानदार राहिली. गिल आणि साई सुदर्शन यांनी ठोस सुरूवात करून दिली. दरम्यान, गिल १४ धावा करून बाद झाला. मात्र यानंतर साई सुदर्शन आणि जोस बटलर यांनी मोर्चा सांभाळला. साई सुदर्शन ४९ धावा करून बाद झाला. यानंतर बटलरने शानदार गोलंदाजी केली. त्याने नाबाद ७३ धावा ठोकल्या. यासोबतच १८व्या षटकांतच त्यांनी हा सामना जिंकला.
तत्पूर्वी, पहिल्यांदा फलंदाजीसाठी उतरलेल्या आरसीबीची सुरूवात खराब राहिली. दुसऱ्याच ओव्हरमध्ये आरसीबीला विराट कोहलीच्या रूपात पहिला झटका बसला. कोहली केवळ ७ धावा करून बाद झाला. यानंतर तिसऱ्याच षटकांत देवदत्त पड्डिकलला सिराजने बोल्ड केले. ५व्या षटकांत फिल सॉल्टलाही सिराजने बाद केले. ७व्या षटकांत कर्णधार रजत पाटीदारला इशांतने बाद केले.
यानंतर जितेश शर्माने मोर्चा सांभाळला. त्याने ३३ धावांची खेळी केली. मात्र तो १३व्या षटकांत बाद झाला. मात्र यानंतर लिव्हिंगस्टोनने तुफानी खेळी केली. त्याने अर्धशतक ठोकले. तर टीम डेविडनेही शानदार फलंदाजी केली. याच्या जोरावर आरसीबीने २० षटकांत ८ बाद १७० धावा केल्या.
