मुंबई: इंडियन प्रीमियर लीग २०२५च्या हंगामातील पाचवा सामना आज गुजरात टायटन्स आणि पंजाब किंग्स यांच्यात रंगला आहे. आयपीएल २०२५मध्ये दोन्ही संघांचा हा पहिला सामना आहे. अहमदाबादमध्ये खेळवल्या जात असलेल्या सामन्यात गुजरात संघाचा कर्णधार शुभमन गिलने टॉस जिंकत पहिल्यांदा गोलंदाजीचा निर्णय घेतला. पहिल्यांदा फलंदाजी करणाऱ्या पंजाब किंग्स संघाने श्रेयस अय्यरच्या ९७ धावांच्या जोरावर २० षटकांत तब्बल २४३ इतक्या धावा केल्या आहेत.
श्रेयस अय्यरने ४२ बॉलमध्ये नाबाद ९७ धावांची खेळी केली. श्रेयसने आपल्या खेळीदरम्यान ५ चौकार तर ९ षटकार ठोकले. शशांक सिंह जबरदस्त खेळला. त्याने १६ बॉलमध्ये नाबाद ४४ इतक्या धावा तडाकावल्या. यात त्याने ६ चौकार आणि २ षटकार ठोकले.
पंजाबने गुजरातसमोर विजयासाठी २४४ धावांचे आव्हान ठेवले आहे. या सामन्यात श्रेयस अय्यरचे शतक ३ धावांनी हुकले. श्रेयस अय्यरने कर्णधारपदाला साजेशी खेळी केली. त्याने २७ बॉलमध्ये अर्धशतक ठोकले होते.त्याच्याशिवाय सलामीवीर प्रियांश आर्यने ४७ धावा केल्या.
