मुंबई : जगभरात आयपीएल क्रिकेट (IPL 2025) सामन्याला खूप लोकप्रियता मिळाली आहे. क्रिकेटप्रेमी दरवर्षी आयपीएल सुरु होण्याची आतुरतेने वाट पाहत असतात. अशातच आता एक महिन्यानंतर यंदाच्या आयपीएल २०२५ सामन्याला सुरुवात होणार आहे. काल याबाबतचे वेळापत्रक जारी झाले असून आता आयपीएलसाठीचे मुंबई इंडियन्सच्या जर्सीचा (Mumbai Indians Jersey) नवा लुक समोर आला आहे.
मुंबई इंडियन्सने आयपीएल २०२५ च्या जर्सीचे अधिकृतपणे अनावरण केले आहे. कर्णधार हार्दिक पंड्याने ‘चला भेटू, वानखेडे ला’ असे म्हणत इंडियन जर्सीचे अनावरण केले आहे. या नवीन जर्सीमध्ये मुंबई इंडियन्सची ओळख पटवणारे विशिष्ट निळे आणि सोनेरी रंग आहेत. निळा रंग विश्वास, आत्मविश्वास आणि संघाच्या प्रचंड क्षमतेचे प्रतीक आहे, तर सोने गौरव, यश आणि परिपूर्णतेच्या अटल शोधाचे प्रतिनिधित्व करत आहे.
दरम्यान, या जर्सीचे अनावरण करतानाचा व्हिडीओ देखील समोर आला आहे. यामध्ये “प्रिय पलटन, २०२५ ही वारसा जिथे आहे तिथे घेऊन जाण्याची संधी आहे. निळ्या आणि सोनेरी रंगाच्या कपड्यांसह, आम्ही मुंबईसारखे खेळण्यासाठी मैदानावर उतरू. ही फक्त आमची जर्सी नाही. हे तुम्हाला वचन आहे. चला भेटू, वानखेडे ला (चला भेटूया, वानखेडेवर),” असे हार्दिक पंड्या (Hardik Pandya) व्हिडिओमध्ये म्हणाला आहे. (IPL 2025)
बीसीसीआयने आयपीएल २०२५ चे वेळापत्रक जाहीर केले आहे. ज्यामध्ये मुंबई इंडियन्स संघाचा पहिला सामना २३ मार्च रोजी मुंबई इंडियन्स विरुद्ध खेळला जाईल. या सामन्यात हार्दिक पांड्या कर्णधारपद भूषवताना दिसणार नाही. कारण गेल्या हंगामातील शेवटच्या सामन्यात त्याच्यावर एका सामन्याची बंदी घालण्यात आली होती. अशा परिस्थितीत हार्दिकच्या अनुपस्थितीत रोहित शर्मा किंवा सूर्यकुमार यादव संघाची धुरा सांभाळताना दिसू शकतात. मुंबई इंडियन्स संघाने मेगा लिलावात अनेक स्टार खेळाडूंवर पैज लावली आहे. ज्यामध्ये दीपक चहर, मिशेल सँटनर आणि विल जॅक्स सारखे खेळाडू समाविष्ट आहेत.
• २२ मार्च: कोलकाता नाईट रायडर्स विरुद्ध रॉयल चॅलेंजर्स बंगळुरू, कोलकाता
• २३ मार्च: सनरायझर्स हैदराबाद विरुद्ध राजस्थान रॉयल्स, हैदराबाद (दुपारीचा सामना)
• २३ मार्च: चेन्नई सुपर किंग्ज विरुद्ध मुंबई इंडियन्स, चेन्नई (संध्याकाळचा सामना)
• ७ एप्रिल: मुंबई इंडियन्स विरुद्ध रॉयल चॅलेंजर्स बंगळुरू, मुंबई
• १३ एप्रिल: राजस्थान रॉयल्स विरुद्ध रॉयल चॅलेंजर्स बंगळुरू, जयपूर
• २० एप्रिल: मुंबई इंडियन्स विरुद्ध चेन्नई सुपर किंग्ज, मुंबई
• २५ मे: अंतिम सामना, ईडन गार्डन्स, कोलकाता.
उच्च न्यायालयाकडून कारवाईला स्थगिती मुंबई : विलेपार्ले येथील दिगंबर जैन मंदिर तोडक कारवाईप्रकरणी पालिकेचे विभाग…
स्टेटलाइन : डॉ. सुकृत खांडेकर डायरेक्टोरेट ऑफ इर्फोसमेन्ट (ईडी)ने मनी लाँड्रिंगच्या आरोपाखाली सोनिया गांधी व…
मुंबई : भारतीय सैन्यदल, नौदल व वायुदलामध्ये अधिकारी पदावर भरती होण्याची इच्छा असलेल्या महाराष्ट्रातील युवक-युवतींसाठी…
दक्षिण भारतीय साईभक्तांकडून सर्वाधिक मुकुट शिर्डी : ज्यांच्या चरणी श्रद्धा आणि सबुरीने नतमस्तक झाल्यावर माणसाचं…
'शिट्टी वाजली रे' ला टक्कर द्यायला आला नवीन शो मुंबई: सध्या मराठी वाहिन्यांवर नवनवीन मालिका…
मुंबई: अनेकांना आपलं आरोग्य कसं आहे, आणि आपण किती वर्ष जगणार हे जाणून घेण्यासाठी अनेकजण…