Budget 2025 : यंदाचं बजेट मध्यमवर्गीयांसाठी 'अच्छे दिन' आणणार ?

  127

नवी दिल्ली : केंद्रीय अर्थमंत्री निर्मला सीतारमण (Nirmala Sitharaman) सलग आठव्यांदा अर्थसंकल्प (Budget 2025) सादर करणार आहेत. हा अर्थसंकल्प मध्यमवर्गीयांसाठी 'अच्छे दिन' आणणार की नाही यावरुन तर्कवितर्क सुरू आहेत.



तज्ज्ञांच्या मते, देशातील ५० टक्क्यांपेक्षा जास्त नागरिकांनी नवी करप्रणाली (Nex Tax Regime) स्वीकारली आहे. यामुळे जुनी करप्रणाली रद्द करुन सर्वांसाठी नवी करप्रणाली लागू केली जाणार का याचा निर्णय यंदाच्या अर्थसंकल्पातून जाहीर केला जाईल. आयकरात करमुक्त उत्पन्नाची मर्यादा वाढवली जाणार की नाही या प्रश्नाचे उत्तर पण यंदाच्या अर्थसंकल्पातून मिळेल.



जीएसटी बाबतचे निर्णय जीएसटी काउन्सिलमध्ये होतात. केंद्रीय अर्थमंत्र्यांच्या अध्यक्षतेखालील या काउन्सिलमध्ये देशातील सर्व राज्यांचे अर्थमंत्री आहेत. यामुळे जीएसटीबाबत अर्थसंकल्पातून मोठ्या घोषणेची शक्यता कमी आहे. पण भारतातील निर्मिती उद्योगाला चालना मिळावी, कारखानदारी वाढावी यासाठी काही घोषणा अर्थसंकल्पाद्वारे केल्या जाण्याची शक्यता आहे. पायाभूत सुविधांसाठी दिल्या जाणाऱ्या निधीत वाढ केली जाण्याची शक्यता आहे. संरक्षण क्षेत्र, कल्याणकारी योजना, आरोग्य, शिक्षण यासाठी किती निधी दिला जाणार याचे उत्तर अर्थसंकल्पातच मिळेल.

जाहीर झालेल्या सरकारी कार्यक्रमानुसार, केंद्रीय अर्थमंत्री निर्मला सीतारमण अर्थसंकल्प लोकसभेत सादर करणार आहेत. केंद्रीय अर्थसंकल्प लोकसभेत सादर करण्याची प्रक्रिया शनिवार १ फेब्रुवारी २०२५ रोजी सकाळी अकरा वाजता सुरू होणार आहे. अर्थसंकल्पाद्वारे नव्या आर्थिक वर्षासाठी (१ एप्रिल २०२५ ते ३१ मार्च २०२६) केंद्र सरकारचा प्रस्तावित खर्च आणि महसुली उत्पन्नाचा लेखाजोखा मांडण्यात येणार आहे. मागील चार केंद्रीय अर्थसंकल्प आणि एका अंतरिम अर्थसंकल्पाप्रमाणेच यंदाचा केंद्रीय अर्थसंकल्पही पेपरलेस असेल.

अर्थसंकल्प सादर होणार असल्यामुळे बीएसई आणि एनएसई हे दोन्ही शेअर बाजार शनिवार १ फेब्रुवारी २०२५ रोजी सकाळी ९.१५ ते दुपारी ३.३० या वेळेत नेहमीप्रमाणे त्यांचे आर्थिक व्यवहार सुरू ठेवणार आहेत. याआधी १ फेब्रुवारी २०२० आणि २८ फेब्रुवारी २०१५ रोजी शनिवारी अर्थसंकल्प सादर झाले होते. या दोन्ही वेळी पण बीएसई आणि एनएसई हे दोन्ही शेअर बाजार शनिवार असूनही आर्थिक व्यवहार करत होते.

कुठे थेट पाहता येईल अर्थसंकल्प?



  • केंद्रीय अर्थसंकल्प संसदेत, दूरदर्शन आणि संसद टीव्हीच्या अधिकृत वाहिन्यांवर प्रसारित केला जाईल.

  • सरकारच्या अधिकृत यूट्यूब चॅनेलवरही अर्थसंकल्प प्रसारित केला जाईल.

  • सीतारामन यांचं केंद्रीय अर्थसंकल्प २०२५ चं भाषण Prahaar.in वरही पाहता येणार आहे.

  • अर्थसंकल्प www.youtube.com/@PrahaarNewsline या यू ट्युब चॅलवरही बघता येईल.


बजेट २०२५ च्या लाइव्ह अपडेट्स आणखी कुठे मिळतील?



  • अर्थसंकल्पाची कागदी प्रत डिजिटल स्वरूपात केंद्र सरकारच्या www.indiabudget.gov.in या अधिकृत वेब पोर्टलवर उपलब्ध असेल.

  • राज्यघटनेनं विहित केल्याप्रमाणे वार्षिक वित्तीय विवरण (सामान्यतः अर्थसंकल्प म्हणून ओळखले जाते), अनुदानाची मागणी (डीजी), वित्त विधेयक इत्यादींसह सर्व केंद्रीय अर्थसंकल्पीय दस्तऐवज ‘केंद्रीय अर्थसंकल्प मोबाइल अॅप’वर उपलब्ध असतील.

  • अर्थसंकल्पाची कागदपत्रं हिंदी आणि इंग्रजी या दोन्ही भाषांमध्ये उपलब्ध असतील.

Comments
Add Comment

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

रस्ते अपघातामध्ये प्रसिद्ध भारतीय क्रिकेटपटूचा मृत्यू, सीसीटीव्हीमध्ये दुर्घटना कैद

जम्मू आणि काश्मीर: रस्ते अपघातामध्ये भारतीय क्रिकेटपटूचा मृत्यू झाल्याची हृदयद्रावक घटना घडली आहे. या अपघाताचं

गगनयान मोहिमेसाठीची इस्रोची एअर ड्रॉप चाचणी यशस्वी

नवी दिल्ली : गगनयान मोहिमेसाठी इस्रोने यशस्वी एअर ड्रॉप चाचणी घेतली. ही पहिली एअर ड्रॉप चाचणी होती, जी पूर्ण

भारताच्या स्वदेशी हवाई संरक्षण यंत्रणांची यशस्वी चाचणी

नवी दिल्ली : डीआरडीओने भारताच्या एकात्मिक हवाई संरक्षण यंत्रणेसाठी शुक्रवारी २३ ऑगस्ट रोजी यशस्वी चाचण्या

भटक्या कुत्र्यांच्या हल्ल्यात २१ वर्षीय विद्यार्थीनी जखमी

लखनऊ : भटक्या कुत्र्यांचा हल्ला सध्या चर्चेत असून भटक्या कुत्र्यांच्या जीवघेण्या हल्ल्याच्या बातम्या अजूनही

ऐन सणासुदीच्या काळात सर्वसामान्यांना महागाईचा फटका, डाळी, रवा, मैदा, खाद्यतेल, साखरेचे भाव वधारले

नवी दिल्ली (वृत्तसंस्था) : गणेश चतुर्थीला ३, ४ दिवस बाकी असून या सणादरम्यान लागणाऱ्या