काव्यरंग : हृदय मंदिरी

आतुरलेल्या नजरेस जेव्हा
तुझी नजर भिडते
गहिवरलेल्या मनात तेव्हा
फुलबाग मोहरते
स्वप्नांची ती अधीर चळवळ
क्षणात एकवटते
अन् प्रेमाच्या ऋतूत सख्या
गीत तुझेच सजते... १

तू येताना सोबत येतो
मंद धुंद केवडा
अन् धुंदीची अपार सीमा
तुलाच आळवते
केश कुंतले विखरून पवनी
तुलाच बिलगते
भाव तुझ्या प्रेमळ स्पर्शाचे
मनी गुंजन करते... २

दूर उसळती लाटा अवचित
शांत निळ्या सागरी
तू येण्याची चाहूल किंचित
त्यालाही कळते
रोज असा लपंडाव सख्या
चाले कसा हळवा
पायाखाली वाळू ओली
नकळत सरावते... ३

सांग साजणा या वेडीची
प्रीती तुला कळते
वेड लावून ते स्वप्नांचे भान
कसे हरपते
अशीच राहावी प्रीत साजणा
जन्मोजन्मी वाटते
हीच कामना हृदय मंदिरी
युगानुयुगे जपते... ४

कवयित्री - डॉ. राजश्री बोहरा

पहिलीच भेट झाली...


पहिलीच भेट झाली, पण ओढ ही युगांची
जादू अशी घडे ही या दोन लोचनांची

पहिलीच भेट झाली, जडली अपूर्व बाधा
स्वप्नात गुंग झाली जागेपणात राधा
माझी न रहिले मी, किमया अशी कुणाची?

डोळे मिटून घेता दिसतेस तू समोर
फुलवून पंख स्वप्न अन्‌ नाचतात मोर
झाली फुले सुगंधी माझ्याही भावनांची

लाजून वाजती या अंगातूनी सतारी
ऐश्वर्य घेउनी हे ये दैव आज दारी
मी लागले बघाया स्वप्नेही मीलनाची

वाऱ्यात ऐकतो मी आता तुझीच गाणी
ताऱ्यात वाचतो अन्‌ या प्रीतिची कहाणी
पहिलीच भेट झाली, पण ओढ ही युगांची
जादू अशी घडे ही या दोन लोचनांची

गीत : मंगेश पाडगांवकर
स्वर : अरुण दाते, सुमन कल्याणपूर
Comments
Add Comment

पोटपूजेचाही उत्सव!

खास बात : विष्णू मनोहर प्रसिद्ध बल्लवाचार्य दिवाळी हा प्रकाशाचा सण आहे तसेच शरीर ऊर्जावान ठेवणाऱ्या

भारतासाठी नवी चिंता

विश्वभ्रमण : प्रा. जयसिंग यादव ‌‘ऑपरेशन सिंदूर‌’नंतर भारत आणि पाकिस्तानच्या दिशा बदलल्या. पाकिस्तानने

अभिनय सम्राट डॉ. काशिनाथ घाणेकर

कोकण आयकॉन : सतीश पाटणकर अभिनय सुरू करण्याआधी घाणेकर व्यवसायाने दंतवैद्य होते. काशीनाथ घाणेकर यांचा जन्म १४

अतिलाडाने तुम्ही मुलांना बिघडवत, तर नाही ना?

आनंदी पालकत्व : डाॅ. स्वाती गानू पालक या नात्याने आपल्या मुलाने मागितलेली प्रत्येक वस्तू घेऊन द्यावी असं

‘अब ये सुहाना साथ ना छुटे...’

नॉस्टॅल्जिया : श्रीनिवास बेलसरे सिनेमासाठी ‘गुमराह’ हे शीर्षक बी. आर. चोपडा, महेश भट आणि वर्धन केतकर या तीन

देवाची मदत...

संवाद : गुरुनाथ तेंडुलकर माझ्या लहानपणी मी वडिलांच्या तोंडून ऐकलेली एक गोष्ट सांगतो. पावसाळ्याचे दिवस होते.