कपडे रोज धुता मात्र टॉवेल धुता का? किती वेळा धुतले पाहिजे टॉवेल

मुंबई: तुम्ही आंघोळीनंतर तुमचे टॉवेल धुता का? तसेच टॉवेल वापरण्याआधी ते किती स्वच्छ आहे हे पाहता का?हे दोन प्रश्न असे आहेत ज्यावर अनेकांचे उत्तर नाही असेच येईल. खरंतर फार कमी लोक असतील जे प्रत्येक वापरानंतर टॉवेल धुण्यासाठी मशीनमध्ये टाकत असतील. १०० लोकांवर करण्यात आलेल्या अभ्यासात असे समोर आले की साधारण एक तृतीयांश लोक महिन्यातून एकदा टॉवेल धुतात. काही लोक तर वर्षातून एकदा.

टॉवेलवर करण्यात आलेल्या अभ्यासात म्हटले आहे की ज्या टॉवेलचा आपण शरीर सुकवण्यासाठी ज्या टॉवेलचा वापर करतो त्यात असंख्य बॅक्टेिया असतात. आंघोळीनंतरही आपल्या शरीरावर अनेक बॅक्टेरिया असतात जे अंगावरून शरीरावर जातात. भारतात करण्यात आलेल्या अभ्यासात असे आढळले की केवळ २० टक्के लोक आपले टॉवेल आठवड्यातून दोन वेळा धुतात.

किती दिवसांत धुतले पाहिजे टॉवेल?

नियमितपणे टॉवेल धुण्याची सवय बॅक्टेरियल इन्फेक्शन कमी करण्यास मदत करते. आठवड्यातून कमीत कमी एक वेळा टॉवेल जरूर धुतले पाहिजे. दरम्यान,ज्यांना इन्फेक्शनचा त्रास आहे त्यांनी टॉवेल वेगळे ठेवावे.