मुंबई: देशातील सर्वात मोठी लाईफ इन्शुरन्स कंपनी एलआयसी(LIC) ने नुकतीच लाँच केलेली विमा सखी योजना सुपरहिट झाली आहे. याचा अंदाज तुम्ही या योजनेशी संबंधित जोडल्या गेलेल्या महिलांच्या आकडेवारीवरून घेऊ शकता. या आकड्यावर नजर टाकल्यास एका महिन्यात ५० हजाराहून अधिक महिलांनी रजिस्ट्रेशन केले आहे. ही योजना सरकारने महिलांना सशक्त बनवण्यासाठी आणली होती. यात खास म्हणजे ट्रेनिंगसोबत कमाईही सुरू होते.
गेल्या वर्षी ९ डिसेंबरला पंतप्रधान नरेंद्र मोदींनी हरयाणाच्या पानिपत येथून LIC Bima Sakhi योजना लाँच केली होती. आता त्याला एक महिना पूर्ण झाला आहे. महिन्याभरात या सरकारी योजनेला जबरदस्त प्रतिसाद मिळाला आहे. ५२,५११ महिलांनी आपले रजिस्ट्रेशन केले आहे. यात २७ हजाराहून अधिक महिलांच्या संपूर्ण अर्ज प्रक्रियेनंतर नियुक्तिपत्रही पाठवण्यात आले आहे.
एलआयसी बिमा सखी योजना अनेक गोष्टींसाठी खास आहे. याचा सगळ्यात मोठा फायदा म्हणजे यात महिलांना ट्रेनिंगसोबत महिन्याला विशिष्ट रक्कमही दिली जाते. LIC Bima Sakhi योजनेमध्ये महिलांना एलआयसी एजंट बनण्याचे संपूर्ण ट्रेनिंग दिले ाते. सोबतच दर महिन्याला ५ हजार ते ७ हजार रूपये दिले जातात. योजनेत ट्रेनिंग घेणाऱ्या महिलांना पहिल्या वर्षी ७ हजार रूपये, दुसऱ्या वर्षी ६ हजार रूपये आणि तिसऱ्या वर्षी ५ हजार रूपये मासिक देण्याबाबतचे प्रावधान आहेत. आपले टार्गेट पूर्ण करणाऱ्या महिलांना कमिशन बेस्ड इन्सेंटिव्ह देण्याचीही सुविधा आहे.
ही योजना खास महिलांसाठी आहे. यात सामील होणाऱ्या महिलांना तीन वर्षांसाठी एलआयसी एजंट बनण्याचे ट्रेनिंग दिले जाते. तसेच सुरूवातीपासूनच काही पॉलिसींचे टार्गेट देऊन स्टायपेंड दिला जातो. यासाठी १८ ते ७० वयोगटातील महिला अर्ज करू शकतात. यासाठी १०वी पास असणे गरजेचे आहे. मात्र यासाठी काही अटीही आहेत.
यासाठी तुम्ही ऑनलाईन अर्ज करू शकता. अथवा नजीकच्या शाखेत जाऊनही अर्ज करू शकता. अर्ज करण्यासाठी महिलेकडे वयाचा दाखला, निवासी दाखला, तसेच १०वी परीक्षा पास झाल्याचे सर्टिफिकेट आणि अटेस्टेड कॉपी असली पाहिजे. अर्ज करताना खरी माहिती भरणे गरजेचे आहे नाहीतर अर्ज रद्द केला जातो.
सगळ्यात आधी https://licindia.in/test2 वर जा.
आता पेजच्या खाली क्लिक फॉर बीमा सखीवर क्लिक करा.
अॅप्लिकेशन फॉर्म सुरू होईल. यात माहिती भरा.
त्यानंतर सबमिट करा.
मुंबई : इंडियन प्रीमियर लीग २०२५मध्ये आज मुंबई इंडियन्स आणि चेन्नई सुपर किंग्स आमनेसामने होते.…
मुंबई : महाराष्ट्र चित्रपट, रंगभूमी आणि सांस्कृतिक विकास महामंडळाच्या वतीने फ्रान्समधील कान आंतरराष्ट्रीय चित्रपट महोत्सवासाठी (Cannes…
मुंबई : सध्या उष्णतेत वाढ होत आहे. घराबाहेर पडताना नागरिक उन्हापासून बचाव करण्यासाठी निरनिराळ्या उपाययोजना…
तुमच्या शरीराला होतील ५ फायदे मुंबई: उन्हाळ्याच्या दिवसात हळू हळू पारा वाढू लागतो.उन्हाळ्यात दुपारी आकाशातून…
सोलापूर : सोलापूर जिल्ह्यातील प्रसिद्ध न्यूरोसर्जन डॉ. शिरीष वळसंगकर (Dr. Shirish Valsangkar) यांनी राहत्या घरी…
बदलापूर : मध्य रेल्वेच्या प्रवाशांसाठी महत्त्वाची बातमी समोर आली आहे. अंबरनाथ,टिटवाळा, बदलापूर या ठिकाणाहून मुंबई…