मुंबई : हल्ली AI हे आपल्या रोजच्या जीवनातला एक अविभाज्य भाग झाला असून, AI च्या मदतीने अनेक गोष्टी थोड्या सोप्या होत आहेत. याच AI च्या सहाय्याने एका तरुणाने झोपेत नोकरीसाठी अप्लाय केलं. तेही एक दोन ठिकाणी नाही तर चक्क १००० नोकऱ्यांसाठी त्याने एकाच वेळी अर्ज केला आणि सकाळी जे घडले ते अतिशय धक्कादायक होते.
वॉशिंग्टन डी.सी : अमेरिकेतील लॉस एंजेलिस काउंटीमधील ही आगाची घटना आतापर्यंतची सर्वात भीषण आहे. लॉस एंजेलिसमधील (Los Angeles wildfires) आगीत आतापर्यंत अनेक जणांचा ...
नेमके काय घडले?
काही दिवसांपूर्वी एका व्यक्तीने AI ची मदत घेऊन रात्रभरात तब्बल १००० नोकऱ्यांवर अर्ज केले आहे. धक्कादायक बाब म्हणजे हा सगळा प्रकार झोपेत घडला आहे. पण याचा परिणाम जो झाला त्याने त्या तरुणाची झोप उडून गेली. सकाळी हा मुलगा उठला तेव्हा तो अक्षरशः चकित झाला. AI ने या तरुणाचं काम तर सोप केलं पण सकाळी उठला तेव्हा याला चक्क ५० हून अधिक कंपन्यांमध्ये मुलाखतीचे फोन आले होते.
मी गाढ झोपेत होतो पण...
रेडिटच्या 'गेट एम्प्लॉयड' फोरमवर आपली व्यथा मांडताना त्या माणसाने सांगितले की, त्याने स्वतः तयार केलेल्या एआय बॉटचा वापर केला. येथे नोकरीच्या उमेदवारांच्या माहितीचे विश्लेषण करतो. नोकरीचे वर्णन वाचतो, प्रत्येक नोकरीसाठी स्वतंत्र सीव्ही आणि कव्हर लेटर तयार करण्यात आलं आणि कंपनीच्या प्रश्नांची उत्तरे देऊन अर्ज प्रक्रिया पूर्ण केली. "मी गाढ झोपेत असताना माझा बॉट (सॉफ्टवेअर) रात्रभर काम करत होता आणि या प्रक्रियेमुळे मला एका महिन्यात सुमारे ५० मुलाखतीचे कॉल येण्यास मदत झाली," असे त्या व्यक्तीने लिहिले.
एआयने मला अशी मदत केली
व्यक्तीचा एआय बॉट पूर्णपणे स्वयंचलित आहे आणि तो नोकरीच्या वर्णनावर आधारित कस्टमाइज्ड सीव्ही आणि कव्हर लेटर तयार करतो. यामुळे केवळ स्वयंचलित स्क्रीनिंग सिस्टीम पास करणे सोपे झाले नाही तर मानवी भरती व्यवस्थापकांचे लक्ष देखील वेधून घेतले. "प्रत्येक नोकरीसाठी कस्टमाइज्ड अर्जामुळे माझे प्रोफाइल अधिक आकर्षक बनले आणि माझ्या निवड प्रक्रियेत मला मदत झाली," असे त्यांनी लिहिले.