Transformer stolen : ट्रान्सफॉर्मर चोरट्यांमुळे महावितरणला झटका तर ग्राहकांना मनस्ताप; तीन ट्रान्सफॉर्मर चोरीला

श्रीकांत नांदगावकर


तळा : तळा तालुक्यात खांबवली, कासेखोल वाशी या गावामध्ये १५ दिवसांच्या अंतरात महावितरणचे तीन ट्रान्सफॉर्मर (Transformer) चोरीला गेल्याची घटना घडली आहे. डीपी चालू स्थितीत असताना मुख्य प्रवाह बंद करून त्याच्या आतील धातुच्या तारा चोरट्यांनी लंपास केल्या आहेत. यामुळे महावितरणला नुकसान होत असून वीज खंडीत होत असल्याने ग्राहकांनाही नाहक मनस्ताप सहन करावा लागत आहे. या चोरांचा कायमचा बंदोबस्त करावा, अशी मागणी आता केली जात आहे.


यावेळी चोरांनी फॉर्म हाऊसला टार्गेट केले असून येथे असलेल्या ट्रान्सफॉर्मरची चोरी केली. निर्जन ठिकाणी लावलेली इलेक्ट्रॉनिक डीपी चोरट्यांसाठी सॉफ्ट कॉर्नर ठरतात. डिपीमध्ये शेकडो लिटर ऑईल असते रात्रीच्यावेळी डीपी मधील ऑईल आणि धातूच्या कॉईल काढून नेल्या जातात. डिपी मधील धातूच्या कॉईलची भंगारात विक्री केली जाते. या कॉईल महागात विकल्या जातात. ऑईल आणि कॉईल विक्रीतून सोप्या पद्धतीने पैसे मिळवण्यासाठी काही चोरटे अशा प्रकारच्या चोऱ्या करतात.



ऑईल, कॉईल आणि विजेची साधने चोरीला गेल्यानंतर विद्युत अधिनियम २००३ चे कलम १३५, कलम १३६ अन्वये गुन्हे दाखल केले जातात. यामध्ये सहा महिने ते पाच वर्ष कारावास, १० हजार रुपयांपर्यंत दंड अथवा दोन्ही शिक्षेची तरतूद आहे. महावितरण कडून इलेक्ट्रॉनिक डीपी संदर्भात तळा पोलीस ठाण्यात लेखी तक्रार दाखल झाली असून अज्ञातांविरोधात गुन्हा दाखल केला आहे.


यापूर्वी (दि.१९.११.२३) रोजी अशाच प्रकारे तळा रोहा रस्त्यालगत राम मंदिराकडे जाणाऱ्या रस्त्याच्या कडेलाच असणाऱ्या ट्रान्सफॉर्मरची चोरी करण्यात आली होती. तत्कालीन पोलीस निरीक्षक कैलास डोंगरे यांच्या मार्गदर्शनाखाली १५ दिवसात पोलिसांनी डीपीची चोरी करणाऱ्या देवकांन्हे आदिवासी वाडी तालुका रोहा येथील दोघांना अटक केली होती.


आता पुन्हा ट्रान्सफॉर्मरच्या चोरीच्या घटनेत वाढ होत असताना सहाय्यक पोलीस निरीक्षक सतीश गवई यांच्याकडून देखील हीच अपेक्षा तळेवासी बाळगून आहेत.


ट्रान्सफॉर्मरच्या चोरीच्या घटनेत वाढ होत आहे. यामुळे महावितरणचे आर्थिक नुकसान होत आहे. नागरिकांनी ट्रान्सफॉर्मरची निगराणी करावी त्याच्याकडे लक्ष ठेवून राहावे, असे आवाहन उपकार्यकारी अभियंता घेवारे यांनी केले आहे.

Comments
Add Comment

कोस्टल रोडच्या जोड रस्त्यांच्या बांधकामातील अडथळे दूर, जोड रस्त्याचे काम पूर्ण होताच लोखंडवाला, सात बंगल्यातील नागरिकांचा प्रवास सुकर

मुंबई (खास प्रतिनिधी) : कोस्टल रोड (उत्तर)ला जोडल्या जाणाऱ्या अतिरिक्त पुलाच्या जोडणीचे काम मागील दीड वर्षांपासून

शनिवारी ठाण्यातील काही भागात पाणी नाही

ठाणे : ठाणे महानगरपालिका क्षेत्रातील वागळे प्रभाग समिती व लोकमान्य सावरकर नगर प्रभाग समिती अंतर्गत इंदिरानगर

२१,०००च्या गुंतवणुकीवर १५ लाख मिळवण्याचा दावा खरा की खोटा?

अर्थमंत्र्यांच्या नावाने 'खोटी' गुंतवणूक योजना! सावध राहण्याचे अर्थ मंत्रालयाचे आवाहन नवी दिल्ली: केंद्रीय

प्रसिद्धी, पैसा आणि नावापासून दूर जाऊन ही प्रसिद्ध अभिनेत्री जगतेय संन्यासी आयुष्य!

मुंबई : अभिनय क्षेत्रात प्रसिद्धी आणि यश मिळवणे हे प्रत्येक कलाकाराचे स्वप्न असते. त्यासाठी काही कलाकार मोठा

कोहलीचा १८ नंबर घेऊन पंत मैदानात: सोशल मीडियावर व्हायरल फोटो!

आसाम : ऑस्ट्रेलियाविरुद्ध झालेल्या मालिकेत भारताला पराभव पत्करावा लागला. सध्या भारत आणि ऑस्ट्रेलिया यांच्यात

WC Semifinal: स्मृती मंधानाच्या विकेटवरून वाद, मैदानावर उभे असलेले अंपायरही झाले हैराण

नवी मुंबई: भारत आणि ऑस्ट्रेलिया यांच्यात आयसीसी महिला क्रिकेट वनडे वर्ल्डकपचा सेमीफायनल