Crime News : नियतीचा खेळ! तरुणाने मित्रांसह वाढदिवसाचा केक कापला अन् अवघ्या तासात...

मिळालेल्या माहितीनुसार, बंगळुरुच्या इंडियन इन्स्टिट्यूट ऑफ मॅनेजमेंटच्या वसतीगृहात ही घटना घडली. निलय कैलाशभाई पटेल असे मृत तरुणाचे नाव असून ५  जानेवारी रोजी या तरुणाचा २९वा वाढदिवस होता. वसतीगृहात रात्री १२ वाजेच्या सुमारास मित्राच्या खोलीत केक कापून निलयचा वाढदिवस साजरा केला. मात्र त्यानंतर मध्यरात्री तो त्याच्या खोलीत जात असताना दुसऱ्या मजल्याच्या बाल्कनीतून तो खाली कोसळला.

दरम्यान, सकाळी ६ वाजून ३० मिनिटांच्या सुमारास सुरक्षा रक्षकांना वसतिगृहाच्या इमारतीसमोर त्याचा मृतदेह आढळून आला. त्यानंतर सुरक्षा रक्षकांनी त्याला तात्काळ रुग्णालयात दाखल केले, मात्र, डॉक्टरांनी त्याला मृत घोषित केले. या प्रकरणी पोलिसांनी आकस्मिक मृत्यूची नोंद केली आहे. तसेच पुढील तपास सुरू असल्याचं पोलिसांनी सांगितलं आहे. (Crime News)

नागपूर : महाराष्ट्रासाठी चिंताजनक बातमी समोर आली आहे. चीनमधून पसरलेल्या कोरोनाच्या महामारीनंतर आता एचएमपीव्ही व्हायरसने (HMPV Virus) डोकेवर काढले आहे. ...