मुंबई: थंडीचे दिवस आले की अंथरुणातून उठायचे मन करत नाही. दिवसभर रजई अंगावर ओढून घ्यावेसे वाटते. अनेकजण तर लोळतच पडलेले असतात. अशातच फिजीकल अॅक्टिव्हिटी कमी होते आणि अधिक खाणे होत असल्याने त्याचा परिणाम वजनावर होतो. येथे काही स्न्रॅक्सचे प्रकार आहेत जे तुम्ही डाएटमध्ये सामील करू शकता आणि अगदी सहज वजन घटवू शकता.
प्रोटीन्स आणि फायबर्सनी भरपूर भाजलेले छोले ब्रेकफास्टमध्ये खाल्ल्याने पोट चांगल्या पद्धतीने भरते. शिजवलेले चणे ऑलिव्ह ऑईल, पेपरिका आणि एक चिमूट मिठासोबत मिसळून कुरकुरीत होईपर्यंत भाजा. यातील फायबर पाचनतंत्राला चांगले बनवते आणि पोटाला दीर्घकाळ भरलेले ठेवते.
ग्रीन टी, बदामाचे दूध आणि दालचिनी अथवा वेलचीसोबत बनवून प्यायल्याने शरीरातील कॅलरी कमी आणि अँटीऑक्सिडंट अधिक मिळतात. ग्रीन टीमधील कॅफेन आणि कॅटेचिन फॅट बर्न करण्यास आणि मेटाबॉलिज्म वाढवण्यास मदत करतात.यामुळे वजन वेगाने कमी होऊ शकते.
बदाम, अक्रोड आणि कद्दूच्या बियांमध्ये हेल्दी फॅट्स, प्रोटीन आणि गरजेची पोषकतत्वे असतात. यामुळे शरीर अॅक्टिव्ह राहण्यास मदत होते. यात मिरची पावडर आणि दालचिनीसोबत हलके भाजून खा. यामुळे वजन नियंत्रित राहते.
रताळ्यामध्ये फायबर, व्हिटामिन ए आणि अँटीऑक्सिडंट मोठ्या प्रमाणात असतात. रताळ्याचे पातळ काप करून ऑलिव्ह ऑईलमध्ये बेक करा. यामुळे शरीर हेल्दी आणि फिट राहण्यास मदत होते.