मुंबई : १ जानेवारीपासून सॅमसंग, सोनी, मोटारोला, एचटीसी, एलजीसह आयफोनच्या या स्मार्टफोन्समध्ये व्हॉट्सॲप (WhatsApp) बंद होणार आहे. या लिस्टमध्ये तुमचा फोन तर नाही ना? मेटाने एक यादी शेअर केली आहे. यादीमध्ये दिलेल्या स्मार्टफोन्सवर १ जानेवारी २०२५ पासून व्हॉट्सॲप बंद होणार आहे. अनेक जुन्या फोनला या निर्णयाचा फटका बसणार आहे.
मेटाने जाहीर केले आहे की, १ जानेवारी २०२५ पासून व्हॉट्सॲप (WhatsApp) काही स्मार्टफोनवर काम करणे बंद करणार आहे. या स्मार्टफोनची यादी देखील मेटाने शेअर केली आहे. या यादीमध्ये सॅमसंग आणि एचटीसीच्या स्मार्टफोन्सचा समावेश आहे.
किटकॅट किंवा जुन्या ऑपरेटिंग सिस्टमवर चालणाऱ्या अँड्रॉईड स्मार्टफोन्सवर १ जानेवारीपासून व्हॉट्सॲप बंद होणार आहे. अँड्रॉईड किटकॅट २०१३ मध्ये रिलीझ झाले होते. परंतु आता बहुतेक फोन नवीन वर्जनचा वापर करतात. त्यामुळे मेटाने निर्णय घेतला आहे की १ जानेवारीपासून व्हॉट्सॲप किटकॅट किंवा जुन्या व्हर्जनवर चालणाऱ्या अँड्रॉईड फोनवर काम करणार नाही. याची यादी देखील कंपनीने शेअर केली आहे.
यादीत सॅमसंग, सोनी, मोटारोला, एचटीसी, एलजीसह आयफोनचा समावेश आहे. अनेक जुन्या फोनला या निर्णयाचा फटका बसणार असून त्यात सॅमसंग, एलजी आणि सोनी यांसारख्या मोठ्या कंपन्यांच्या काही जुन्या मॉडेल्सचा समावेश आहे. हे फोन १० वर्षांहून अधिक काळापासून बाजारात उपलब्ध आहेत.
कंपनीने घेतलेल्या या निर्णयानंतर आता वापरकर्त्यांना त्यांच्या फोनमध्ये अँड्रॉइडच्या नवीन वर्जनवर अपडेट करण्याचा सल्ला दिला जात आहे जेणेकरून ते व्हॉट्सॲप वापरू शकतील.
दरम्यान, मेटाने जुन्या फोनवर व्हॉट्सॲप बंद करण्याची ही पहिलीच वेळ नाही. व्हॉट्सॲपचा वापर करताना युजर्सना कोणत्याही समस्यांचा सामना करावा लागू नये, यासाठी कंपनीने हा निर्णय घेतला आहे.
या स्मार्टफोन्सवर व्हॉट्सॲप होणार बंद
Samsung: Galaxy S3, Galaxy Note 2, Galaxy Ace 3, Galaxy S4 Mini
Motorola: Moto G (1st Gen), Razr HD, Moto E 2014
HTC: One X, One X+, Desire 500, Desire 601
LG: Optimus G, Nexus 4, G2 Mini, L90
Sony: Xperia Z, Xperia SP, Xperia T, Xperia V
अँड्रॉईडशिवाय जुन्या iOS फोनवर देखील व्हॉट्सॲप (WhatsApp) सपोर्ट बंद होणार आहे. तुम्ही आयफोनचे iOS 15.1 पेक्षा जुने वर्जन वापरत असाल, तर ५ मेनंतर तुमच्या फोनमध्ये व्हॉट्सॲप सपोर्ट बंद होणार आहे. या निर्णयाचा परिणाम iPhone 5s, iPhone 6 आणि iPhone 6 Plus सारख्या जुन्या फोनवर होणार आहे.