Mumbai Bullet Train : मुंबई बुलेट ट्रेन कामात वेग! स्टेशनचा पहिला भूमिगत बेस स्लॅब पूर्ण

  125

जमिनीपासून खोदाईच्या कामासोबत, पायापासून काँक्रिटीकरणाचे कामही सुरू


ठाणे : मुंबई-अहमदाबाद धावणाऱ्या बुलेट ट्रेनच्या (Mumbai Bullet Train) कामाने वेग घेतला असून, बुलेट ट्रेन स्टेशनचा मुंबईत पहिला काँक्रीट बेस स्लॅब नुकताच जमिनीपासून अंदाजे ३२ मीटर खोलीवर टाकण्यात आला, जो १० मजली इमारतीच्या समतुल्य आहे. स्टेशनचे बांधकाम तळापासून वरच्या पद्धतीने केले जात आहे, म्हणजेच जमिनीपासून खोदाईचे काम सुरू झाले असून पायापासून काँक्रिटीकरणाचे कामही वेगाने सुरू झाले आहे.



भारतात पहिल्या धावणाऱ्या बुलेट ट्रेनचा प्रकल्पाचा शिवधनुष्य सरकारने चांगल्या पद्धतीने पेलला आहे. गेल्या काही दिवसांत बुलेट ट्रेनच्या काम वेगवान गतीने सुरू आहे. ट्रेनसाठी स्लॅबचे बांधकाम चालू असून, पहिला क्राँक्रीटचा स्लॅब ३.५ मीटर खोल, ३० मीटर लांब आणि २० मीटर रुंद आहे. स्टेशनसाठी टाकल्या जाणाऱ्या ६९ स्लॅबपैकी हा पहिला आहे, जो बुलेट ट्रेन स्टेशनसाठी सर्वात खोल बांधकाम पातळी बनवेल.



मुंबई बुलेट ट्रेन स्टेशनची माहिती


मुंबई बुलेट ट्रेन स्टेशन वांद्रा कुर्ला कॉम्प्लेक्स येथे स्थित असू मुंबई-अहमदाबाद एचएसआर रेल्वे मार्गावरील एकमेव भुयारी स्टेशन आहे. हा प्लॅटफॉर्म जमिनीपासून सुमारे २४ मीटर खोलीवर नियोजित करण्यात आले आहे. या प्लॅटफॉर्ममध्ये प्लॅटफॉर्म मजला, संकुल मजला आणि सेवा मजला असे तीन मजले असतील. संबंधित कामासाठी सध्या जमिनीपासून ३२ मीटर खोलीपर्यंत उत्खनन केले जात आहे. स्टेशनमध्ये ६ प्लॅटफॉर्म असतील व प्रत्येक प्लॅटफॉर्मची लांबी सुमारे ४१५ मीटर असेल (१६ कोचांच्या बुलेट ट्रेनसाठी पुरेशी). स्टेशनला मेट्रो आणि रस्त्याद्वारे जोडणी दिली जाईल.



या स्लॅबबद्दल काही रंजक माहिती



  • ६८१ मेट्रिक टन उच्च दर्जाचे स्टीलचे मजबुतीकरण

  • ६२०० रिबार कपलरचा वापर

  • २२५४ घन मीटर एम ६० दर्जाचा काँक्रीट

  • ४२८३ मेट्रिक टन ऍग्रीगेट्सचा वापर


प्रत्येकी १२० एम ३ क्षमतेच्या दोन इन-सिटू बॅचिंग प्लांटद्वारे काँक्रीटचा पुरवठा केला जात आहे. काँक्रीट ओतण्याच्या वेळी तापमान २५ अंश सेल्सिअसच्या खाली ठेवण्यासाठी इन-सिटू बर्फ आणि चिलर प्लांटद्वारे तापमान नियंत्रित केले जात आहे. तसेच स्लॅब टाकण्यापूर्वी पुरेशा जलरोधक उपायांची खात्री केली आहे.

Comments
Add Comment

युगेंद्र पवारांचा साखरपुडा, मुंबईत पवार कुटुंब एकत्र

मुंबई : काही दिवसांपूर्वी अजित पवार यांचे पुत्र जय पवार यांच्या पुण्यात साखरपुडा झाला. आता अजित पवार यांचे भाऊ

मुंबईत अपघात; कार उलटली, दुभाजक ओलांडून पलिकडच्या रस्त्यावर गेली आणि...

मुंबई : रविवार म्हणजे अनेकांसाठी सुटीचा, विश्रांतीचा दिवस. यामुळे मुंबईकर निवांत असतात. पण आजच्या रविवारची

Megablock: मध्य रेल्वेच्या माटुंगा ते मुलुंड दरम्यान आज मेगा ब्लॉक

मुंबई: मध्य रेल्वेच्या मुंबई विभागातील विविध अभियांत्रिकी आणि देखभालीची कामे करण्यासाठी रविवारी मेगा ब्लॉक

हीरक महोत्सवी राज्य चित्रपट पुरस्कार सोहळ्याचे मुंबईत आयोजन

प्रतिष्ठित लता मंगेशकर पुरस्कारांसह ६० आणि ६१ वे राज्य मराठी चित्रपट पुरस्कार प्रदान करण्यात येणार मुंबई :

Monsoon Disease: मुंबईकरांनो सावधान! शहरात ‘या’ ३ रोगांचा कहर

मलेरिया, डेंग्यू आणि चिकनगुनियाचे रुग्णसंख्या वाढल्याने महानगरपालिका सतर्क मुंबई:  शहरात गेली अनेक

मिठीचा गाळ, गोतास काळ; ७,००० पानांचे आरोपपत्र, मोठे मासे सापडणार!

मुंबई पोलिसांकडून मिठी नदी गाळ काढणी घोटाळा उघड ६५.५४ कोटींचा धक्कादायक प्रकार! मुंबई : ६५.५४ कोटींच्या मिठी