मुंबई : कुर्ला (पश्चिम), एलबीएस मार्ग, सम्राट हायस्कूल येथे झोपडपट्टी भागात असलेल्या गोदामात भीषण आग लागल्याची घटना बुधवारी सायंकाळच्या सुमारास घडली. ज्वलनशील वस्तूंमुळे ही आग अवघ्या एका तासात भडकली. सुदैवाने या आगीत कोणीही जखमी झाल्याचे वृत्त नाही. मात्र मोठ्या प्रमाणात वित्तहानी झाली.
कुर्ला ( पश्चिम), गुरू गोविंद सिंग नगर, सम्राट हायस्कूल, मधुबन टोयोटो सर्व्हिस सेंटरजवळ असलेल्या एका गोदामाला बुधवारी सायंकाळी ५.३० वाजताच्या सुमारास आग लागली. सदर परिसरात काही रहिवाशी झोपड्या, गोदामे, लहान कारखाने असल्याने आणि त्यामध्ये ज्वलनशील वस्तू, पदार्थ असल्याने आग अवघ्या १५ मिनिटात म्हणजे भडकली. सायंकाळी ५.५८ वाजता अग्निशमन दलाने आग भडकल्या सदर आग स्तर-२ ची झाल्याचे आणि ३० मिनिटात आग आणखीन भडकल्याने सदर आग स्तर-३ ची झाल्याचे अग्निशमन दलाने जाहीर केले.
या आगीत काही झोपड्या, प्लास्टिक सामानाचे गोदाम, रॅपर बनविण्याचा कारखाना, छोटे कारखाने आदी जळून खाक झाले. या आगीची भीषणता पाहता सदर परिसरात एकच खळबळ उडाली. या आगीची वर्दी मिळताच अग्निशमन दलाच्या जवानांनी तत्काळ घटनास्थळी धाव घेतली. मदतकार्य तातडीने सुरू केले. अग्निशमन दलाच्या जवानांनी ६ फायर इंजिन,६ जंबो वॉटर टँकर यांच्या साहाय्याने सदर आग विझविण्याचा प्रयत्न केले.
या आगीत मोठ्या प्रमाणात वित्तहानी झाली आहे. मात्र सुदैवाने या आगीत कोणी जखमी झाल्याचे वृत हाती आलेले नाही. दरम्यान, या आगीची माहिती मिळताच स्थानिक आमदार दिलीप लांडे (मामा) यांनी घटनास्थळी धाव घेतली. आगीच्या ठिकाणी बचावकार्य मदत आणि युद्धपातळीवर करण्यासाठी महापालिका,अग्निशमन दलाकडे सतत पाठवराव केला. मात्र रात्री उशिरापर्यंत अग्निशमन दलाकडून आग विझविण्यासाठी प्रयत्न सुरू होते.
नवी दिल्ली : भारताच्या पुरुष क्रिकेट संघाचा मुख्य प्रशिक्षक (हेड कोच) गौतम गंभीर याला आयसिस…
मुंबई: उन्हाळा आला की तो आपल्यासोबत अनेक आव्हाने घेऊन येतो. घामामुळे आणि तीव्र सूर्यप्रकाशामुळे त्वचेला…
दिवसभर तुमची त्वचा ताजी राहील मुंबई: उन्हाळ्यात आपण आपल्या त्वचेची काळजी घेतली पाहिजे. कारण आता…
नवी दिल्ली : भारत आणि पाकिस्तान यांच्या दरम्यान सागरी तसेच भू सीमा मोठी आहे. भू…
मुंबई : महाराष्ट्र राज्यातील रहिवासी असलेल्या आणि जम्मू कश्मीर मध्ये दहशतवाद्यांच्या भ्याड हल्ल्यानंतर तिथे अडकलेल्या…
मुंबई(ज्ञानेश सावंत): राजस्थानने सलग चार सामने गमावले आहेत त्यापैकी तीन सामने अगदी थोड्या अंतराने गमावले…