Lalbuagcha Raja 2024 : अंबानींकडून २० किलो सोन्याचा मुकूट ‘लालबागचा राजा’चरणी अर्पण

  190

गणेशोत्सव म्हटलं की मुंबईत सर्वाधिक चर्चा असते ती लालबाग-परळ मधल्या लालबागचा राजा ( Lalbaugcha Raja ) या गणपतीची. लालबागचा राजा गणपतीची मूर्ती, त्या मूर्ती भोवतीची आरास, सुंदर देखावा हे सर्व काही मन मोहून टाकणारा नजारा असतो. यंदाचं या मंडळाचं हे ९१ वं वर्ष आहे. यावेळी लालबागच्या राजाला अनंत अंबानींनी सोन्याचा मुकूट अर्पण केला आहे. लालबागचा राजाची पहिली झलक गुरुवारी सर्वाना पाहायला मिळाली. त्यावेळी ही माहिती समोर आली आहे.



मयूरासनावर विराजमान लालबागचा राजा


लालबागचा राजा ( Lalbaugcha Raja ) यंदा मयूरासनावर विराजमान आहे. राजाची एक झलक पाहून उपस्थितांनी एकच जल्लोष केला. गणपती बाप्पा मोरया.. लागबागचा राजाचा विजय असो … मोरया.. अशा घोषणांनी लालबाग परिसर दणाणून गेला होता. या गणपती बाप्पांचं दर्शन सोशल मीडियाच्या माध्यमातूनही भाविकांना मिळालं. लालबागचा राजाचं रुप साठवण्यासाठीही आपल्या मोबाईलमध्ये मंडळाच्या ठिकाणी गणेशभक्तांची मोठी गर्दी झाली होती. विशेष म्हणजे यंदाच्या लालबागच्या राजाचा ( Lalbaugcha Raja ) मुकूट हा सोन्याचा आहे. देशातील श्रीमंत अंबानी कुटुंबीयांकडून हा मुकूट लालबागच्या राजाच्या चरणी अर्पण करण्यात आला आहे. अनंत अंबानी आणि राधिका मर्चंट यांच्या लग्नानंतरचा हा पहिलाच गणेशोत्सव आहे. त्यामुळे हा मुकूट अर्पण केला आहे अशी चर्चा आहे.



नवसाला पावणारा राजा अशी ख्याती


लालबागचा राजा ( Lalbaugcha Raja ) हा नवसाला पावणारा अशी लालबागच्या या गणपतीची ख्याती आहे. राजाच्या चरणी नतमस्तक होण्यासाठी लाखो भाविक मोठ्या प्रमाणात गर्दी करतात. त्याचप्रमाणे सेलिब्रिटी, राजकारणी, देश-विदेशातले व्हीव्हीआयपीही दर्शनासाठी येतात. लालबागच्या राजाच्या दर्शनाला मुकेश अंबानी यांचीही सहकुटुंब उपस्थिती दर्शनाला असते. या वर्षी अनंत आणि राधिका यांचं लग्नसोहळा धुमधडाक्यात पार पडला. यानंतर लालबागचा राजा कार्यकारिणी मंडळाच्या विश्वस्त पदावर अनंत अंबानींची नियुक्ती करण्यात आली. महिन्याभरापूर्वी झालेल्या सर्वसाधारण सभेत हा निर्णय एकमताने घेण्यात आला. अंबानी कुटुंबाच्या धार्मिक आणि सांस्कृतिक क्षेत्रातील योगदानाची दखल घेऊन हा निर्णय घेण्यात आला. आता अनंत अंबानी यांनी लालबागच्या राजाला २० किलो सोन्याचा मुकूट अशी भेट दिली आहे.



२० किलो सोन्याचा मुकूट अर्पण किंमत किती?


यंदा लालबागच्या राजाला मरून रंगाचं वेल्वेटचं सोवळं नेसवण्यात आलं आहे. तर, काशी विश्वनाथ मंदिराच्या थीमचा सुंदर असा देखावा साकारण्यात आला आहे. लालबागचा राजा सार्वजनिक गणेशोत्सव मंडळात विश्वस्तपदी नियुक्ती झालेल्या अनंत अंबानी यांनी राजाला सोन्याचा मुकूट भेट दिली आहे. या मुकुटाचं वजन २० किलो इतकं आहे. तर, किंमत १५ कोटी रुपये अशी आहे. कारागीरांना हा मुकूट बनवण्याकरता दोन महिने लागले होते, अशी माहिती लालबागच्या राजाचे मानद सचिव सुधीर साळवी यांनी दिली.


Comments
Add Comment

मुंबईत भाजपा घेणार वॉर्डनिहाय आढावा, मुंबई भाजपा अध्यक्ष आशिष शेलार यांची घोषणा...

मुंबई : आगामी मुंबई महानगरपालिका निवडणुका लक्षात घेता निवडणुकीत भाजपाला अपेक्षत यश मिळवण्याच्या दृष्टीने

पाणी चिंता मिटली ! मुंबईकरांच्या धरणात किती टक्के पाणीसाठा?

मुंबई :  मे आणि जून महिन्यात जास्त पाऊस पडल्यामुळे मुंबईला पाणीपुरवठा करणाऱ्या सात धरणांमधील पाणीसाठ्यात

वरळी येथे अस्थी विसर्जनासाठी गेलेले तीन जण समुद्रात बुडाले, दोघांचा मृत्यू

मुंबई : वरळीतील हाजी अली जवळच्या लोटस जेट्टीवर शनिवारी अस्थी विसर्जनासाठी गेलेले तीन व्यक्ती समुद्रात बुडाले.

Police Officers Transfer: महाराष्ट्रात ५१ IPS अधिकाऱ्यांच्या बदल्या, कोणत्या पोलिस अधिकाऱ्यांना मिळाली महत्वाची जबाबदारी...

मुंबई : महाराष्ट्र सरकारच्या गृह विभागाने (Home Department) ५१ भारतीय सेवा अधिकारी (IPS) आणि ८१ राज्य पोलिस सेवा

अभिनेत्री निशा रावलने सांगितला पती करण मेहराकडून झालेला संतापजनक छळ

मुंबई : अभिनेत्री निशा रावलने तिचा पूर्वाश्रमीचा पती आणि 'ये रिश्ता क्या कहलाता है' फेम अभिनेता करण मेहरा

मुंबईकरांसाठी आनंदाची बातमी ! कल्याण-भिंवडी मेट्रो ५ चा विस्तार लवकरच, मुख्यमंत्री देवेंद्र फडणवीस यांची घोषणा...

मुंबई : मुंबईत गेल्या काही दिवसांपासून लोकल ट्रेनची गर्दी कमी करण्यासाठी राज्य सरकारने नवीन पाऊले उचलली आहेत.