मुंबई : बदलत्या हवामानामुळे विविध संसर्गजन्य आजार डोकं वर काढत आहेत. कोरोनाची भीती, मग झिका व्हायरस, चांदीपुरा व्हायरस या विषाणूंनी आजारांचा धोका वाढवला आहे. त्यातच आता मंकीपॉक्स विषाणूची भर पडली आहे. या विषाणूचा संसर्ग वाढत चालला असून त्यामुळे जागतिक आरोग्य संघटनेने ‘हेल्थ इमरजेंसीची’ घोषणा केली आहे. हा आजार भारताच्या शेजारी देश पाकिस्तानात पोहोचला आहे. धोक्याची शक्यता लक्षात घेऊन केंद्रीय आरोग्य मंत्रालयाने शनिवारी याबाबत आढावा बैठक घेतली. या आजाराशी संबंधित महत्त्वाच्या प्रश्नांची उत्तरे जाणून घेऊया.
काँगोपासून सुरू झालेला हा आजार अनेक आफ्रिकन देशांतून युरोपीय देश स्वीडन आणि भारताचा शेजारी देश पाकिस्तानपर्यंत पोहोचला आहे. धोक्याची शक्यता लक्षात घेऊन केंद्रीय आरोग्य मंत्रालयाने शनिवारी याबाबत आढावा बैठक घेतली. हा आजार भारतासाठी किती मोठा चिंतेचा आहे, त्यावर उपचार काय आहेत आणि प्रतिबंध करण्यासाठी आपण कोणती पावले उचलली पाहिजेत, या महत्त्वाच्या मुद्द्यांवर यात चर्चा झाली.
जागतिक आरोग्य संघटनेच्या मते, Mpox किंवा मंकीपॉक्स हा देखील कोविड सारख्या विषाणूप्रमाणे पसरणारा आजार आहे. हा आजार देखील संसर्गजन्य आहे. यामुळे वेदनादायक पुरळ, लिम्फ नोड्स वाढणे आणि ताप येऊ शकतो. हा आजार कोविडसारखा प्राणघातक नाही. मंकीपॉक्सचे दोन प्रकार आहेत. क्लेड I स्ट्रेनमुळे अधिक गंभीर आजार. या स्ट्रेनच्या संसर्गाच्या बाबतीत, मृत्यूचे प्रमाण १० टक्क्यांपर्यंत दिसून आले आहे. दुसरा स्ट्रेन क्लेड II आहे. तोही सांसर्गिक आहे. त्याच्या संसर्गामुळे अधिक लोक आजारी पडतात, परंतु संसर्ग झालेल्या ९९.९% पेक्षा जास्त लोक मरत नाहीत.
Mpox हा एक झुनोटिक रोग आहे, याचा अर्थ हा रोग प्राण्यांपासून आला आहे. हा प्राणी आणि लोकांमध्ये पसरू शकतो. पण हा विषाणू आता संक्रमित माणसांकडून माणसांमध्ये पसरत आहे. ज्यांना आधीच कोणत्याही आजाराने ग्रासले आहे, एक वर्षापेक्षा कमी वयाची मुले, ज्यांना पूर्वी एखादा आजार झाला आहे, गर्भवती महिला आणि वृद्धांसाठी हा आजार धोकादायक ठरू शकतो.
संक्रमित व्यक्तीला हलका ताप जाणवेल. यामुळे शरीरावर वेदनादायक पुरळ, डोकेदुखी, स्नायू आणि पाठदुखी, अशक्तपणा जाणवणे, आणि वाढलेले लिम्फ नोड्स आणि शरीरावर पू भरलेले फोड यांसह फ्लू सारखी लक्षणे उद्भवतात. ही लक्षणे २ ते ४ आठवडे टिकू शकतात.
हा विषाणू प्रामुख्याने संक्रमित व्यक्तीच्या संपर्कातून पसरतो. पॉक्सची लागण झालेल्या व्यक्तीच्या त्वचेतून किंवा इतर जखमांमधून हा रोग पसरतो. ही आहेत काही प्रमुख कारणे –
उच्च न्यायालयाकडून कारवाईला स्थगिती मुंबई : विलेपार्ले येथील दिगंबर जैन मंदिर तोडक कारवाईप्रकरणी पालिकेचे विभाग…
स्टेटलाइन : डॉ. सुकृत खांडेकर डायरेक्टोरेट ऑफ इर्फोसमेन्ट (ईडी)ने मनी लाँड्रिंगच्या आरोपाखाली सोनिया गांधी व…
मुंबई : भारतीय सैन्यदल, नौदल व वायुदलामध्ये अधिकारी पदावर भरती होण्याची इच्छा असलेल्या महाराष्ट्रातील युवक-युवतींसाठी…
दक्षिण भारतीय साईभक्तांकडून सर्वाधिक मुकुट शिर्डी : ज्यांच्या चरणी श्रद्धा आणि सबुरीने नतमस्तक झाल्यावर माणसाचं…
'शिट्टी वाजली रे' ला टक्कर द्यायला आला नवीन शो मुंबई: सध्या मराठी वाहिन्यांवर नवनवीन मालिका…
मुंबई: अनेकांना आपलं आरोग्य कसं आहे, आणि आपण किती वर्ष जगणार हे जाणून घेण्यासाठी अनेकजण…