लंडन : ब्रिटनमध्ये (Britain) काल म्हणजेच ४ जुलै रोजी पंतप्रधान पदासाठी मतदान झालं होतं. या निवडणुकीची मतमोजणी सुरु आहे. यात लेबर पार्टीने (Labour Party) बहुमताचा आकडा पार केला आहे तर आतापर्यंत ब्रिटनचे पंतप्रधान असलेल्या ऋषी सुनक (Rishi Sunak) यांचा हुजूर पक्ष (Conservative party) मात्र पिछाडीवर आहे. या पार्श्वभूमीवर ऋषी सुनक यांनी आपला पराभव मान्य करत कीर स्टार्मर (Keir Starmer) यांचं अभिनंदन देखील केलं आहे. त्यामुळे आता ब्रिटनमध्ये सत्ताबदल होणार असून कीर स्टार्मर हे ब्रिटनच्या पंतप्रधानपदी विराजमान होणार आहेत.
ब्रिटनमध्ये एकूण ६५० जागांसाठी निवडणूक झाली होती. बहुमतासाठी ३२६ जागांची आवश्यकता असते. सध्या लेबर पार्टीने ३९२ जागांवर आघाडी घेतली आहे, तर कंझर्व्हेटिव्ह पार्टी १०१ जागांवर आघाडीवर आहे. लेबर पार्टी बहुमताचा आकडा सहज पार करत असल्याचं सध्याचं चित्र आहे. याशिवाय मतदान झाल्यानंतर समोर आलेल्या एक्झिट पोलमध्ये देखील कीर स्टार्मर ब्रिटनचे पंतप्रधान होतील, असं सांगण्यात आलं होतं.
एक्झिट पोलच्या अंदाजानुसार मजूर पक्षाला ६५० पैकी ४१० जागांवर विजय मिळेल, असं सांगण्यात आलं होतं. मजूर पक्ष सत्तेत आल्यास तब्बल १४ वर्षानंतर हुजूर पक्ष सत्तेबाहेर होईल. आतापर्यंतच्या मतमोजणीनुसार कल मजूर पक्षाच्या बाजूने आहेत. सुनक यांच्या पक्षाल १३१ जागा मिळण्याची शक्यता आहे. यापूर्वी त्यांच्या पक्षाला ३४६ जागा मिळाल्या होत्या. हुजूर पक्षाला त्यांच्या अंतर्गत वादाचा फटका बसल्याचं बोललं जात आहे.
ऋषी सुनक यांनी वेळेआधीच सार्वत्रिक निवडणुकांची घोषणा केली होती. त्यामुळे अनेकांच्या भुवया उंचावल्या होत्या. कंझर्व्हेटिव्ह पक्षाबाबत ब्रिटनच्या जनतेमध्ये काहीसे नकारात्मक वातावरण होते. त्यामुळे त्यांनी वेळेआधी निवडणुका जाहीर केल्याने त्यांनी ही मोठी रिस्क घेतल्याचं बोललं जात होतं. ऋषी सुनक यांना जनतेने नाकारल्याचं स्पष्ट झालं आहे.
लेबर पार्टीला बहुमत मिळत असल्याचं स्पष्ट होताच सध्याचे पंतप्रधान ऋषी सुनक यांनी माध्यमांसमोर येऊन आपल्या पक्षाचा पराभव मान्य केला. पक्षाला विजय मिळवून देता आलं नाही, याबाबत त्यांनी पक्षाची माफी देखील मागितली आहे आणि विजयी लेबर पार्टीचे अभिनंदन केले आहे.
सुनक म्हणाले की, लेबर पार्टीने बहुमताचा आकडा पार केला आहे. मी सर कीर स्टार्मन यांचे विजयाबद्दल अभिनंदन करतो. आता शांततेतं सत्ताहस्तांतरण होईल. जनतेने दिलेला कौल मी मान्य करतो. पराभवातून खूप काही शिकायचं आहे. मी पराभवाची पूर्ण जबाबदारी घेतो. पक्षातील नेत्यांनी अहोरात्र प्रयत्न केले होते, पण शेवटी आमचा पराभव झाला आहे. आम्ही समाजासाठी काम करत राहू. मी पक्षाची माफी मागतो.
सुनक यांनी आता लंडनला जाणार असून तिथं निकालाच्या दृष्टीनं चिंतन करणार असल्याचं म्हटलं. पंतप्रधान म्हणून मिळालेल्या कार्यकाळात खूप काम केलं. माझं सर्वस्व यामध्ये झोकून दिलं होतं, असं सुनक म्हणाले.
स्टार्मर यांनी मजूर पक्षाला मिळालेल्या जनतेच्या पाठिंब्याबद्दल आभार व्यक्त केले. आम्ही लोकांसाठी काम करु, ज्यांनी मतदान केलं नाही त्यांचे देखील आभार, असं स्टार्मर म्हणाले. स्टार्मर यांनी आम्ही जनतेच्या मुद्द्यांवर बोलत राहू, जनतेसाठी दररोज लढू, बदलांसाठी तयार आहोत, असं म्हटलं. तुमच्या मतांनी बदल सुरु झाल्याचं स्टार्मर म्हणाले.
मुंबई : मुंबई महानगरात काल मध्यरात्रीनंतर १ वाजेपासून ते आज सकाळी ७ वाजेपर्यंत या सहा…
मुंबई : मुंबई आणि उपनगरांत रात्रीपासून मुसळधार पाऊस कोसळत आहे. त्यामुळे अनेक भागांत पाणी साचले…
मुंबई: जिओने आपला रिचार्ज पोर्टफोलिए अपडेट केला आहे. कंपनीने सर्व प्लान्सच्या किंमतीत बदल केला आहे.…
मुंबई: भारताने दुसऱ्या टी-२० सामन्यात झिम्बाब्वेला १०० धावांनी हरवले आहे. यासोबतच टीम इंडियाने पाच सामन्यांच्या…
मुंबई: टीम इंडियाचा माजी कर्णधार महेंद्रसिंग धोनीचा आज वाढदिवस आहे. कॅप्टन कूल ४३ वर्षांचा झाला…
नवी दिल्ली : टोमॅटोच्या दरात मोठी (Tomato Price Hike) वाढ झाली आहे. टोमॅटो उत्पादक राज्यांमध्ये…