मुंबई: भारतीय क्रिकेट संघाने(indian cricket team) आयसीसी टी-२० वर्ल्डकप २०२४च्या(t-20 world cup 2024) स्थान मिळवले आहे. गयानाच्या प्रोव्हिडन्स स्टेडियममध्ये २७ जूनला सेमीफायनल सामन्यात भारताने इंग्लंडला ६८ धावांनी हरवले.
सेमीफायनल सामन्यात इंग्लंडला विजयासाठी १७२ धावांचे आव्हान देण्यात आले होते. मात्र त्यांचा संपूर्ण संघ १६.४ षटकांत १०३ धावांवर आटोपला.
हा सामना संपल्यानंतर या विजयी क्षणी रोहित शर्मा अतिशय भावूक झाला. त्याच्या डोळ्यातून आनंदाश्रू आले. त्याला विराट कोहलीने सावरले. रोहित शर्मा ड्रेसिंग रूमध्ये बसल्याचा व्हिडिओ सोशल मीडियावर खूप व्हायरल होत आहे. हा व्हिडिओ अनेक यूजर्सनी शेअर केला.
रोहितने या सामन्यात कर्णधारपदाला साजेशी खेळी केली. त्याने ३९ चेंडूत ५७ धावा ठोकत भारताला चांगली सुरूवात करून दिली. आता फायनलमध्ये भारताचा सामना दक्षिण आफ्रिकेशी होणार आहे.
दक्षिण आफ्रिकाने अफगाणिस्तानला ९ विकेटनी हरवत टी-२० वर्ल्डकपची फायनल गाठली आहे. टी-२० वर्ल्डकपचा फायनल सामना २९ जूनला ब्रिजटाऊनमध्ये खेळवला जाणार आहे. भारताने २००७मध्ये पहिल्यांदा वर्ल्डकप जिंकला होता.