मुंबई: बाजारातून जेव्हा तुम्ही पाकिटातील काही गोष्टी जसे औषधे, बिस्कीट, दूध, दही अथवा ब्युटी उत्पादने घेता तेव्हा त्याच्यावर एक्सपायरी डेट लिहिलेली असते. तर काही पाकिटांवर बेस्ट बिफोर लिहिलेले असते. मात्र तुम्हाला माहीत आहे का या दोन गोष्टींमध्ये काय फरक आहे.
खरंतर अनेकांना एक्सपायरी डेटबद्दल माहीत आहे. मात्र बेस्ट बिफोर आणि यूज बाय डेटबद्दल साऱ्यांनाच माहिती नसते. अनेकजण या दोन गोष्टींचा अर्थही एक्सपायरी डेटसारखाच समजतात. मात्र असे नाही आहे. प्रत्येक गोष्टीचा अर्थ वेगवेगळा आहे.
एक्सपायरी डेट म्हणजे काय?
एक्सपायरी डेट याचा अर्थ एखाद्या उत्पादनाची ती तारीख ज्यानंतर तिचा वापर केला जाऊ शकत नाही. जर खाण्याच्या गोष्टीवर २० जून अशी एक्सपायरी लिहिली असेल तर २० जूननंतर तुम्ही ते खाऊ शकत नाही. एक्सपायरी डेटनंतर जर तुम्ही ते वापरत आहात तर आरोग्यास नुकसान पोहोचू शकते. एक्सपायरी डेटनंतर तर औषधे चुकूनही वापरू नयेत.
Best before आणि Used by
बेस्ट बिफोर आणि यूज बाय हे अधिकतर खाण्याच्या गोष्टींवर लिहिलेले असते. बेस्ट बिफोर एखाद्या गोष्टीचे क्वालिटी इंडिकेटर असते. म्हणजेच जर तुम्ही एखादी गोष्ट बेस्ट बिफोर डेटनंतर खात आहात तर त्यात तुम्हाला स्वाद आणि पोषकतत्वे मिळणार नाही. तसेच यूज बाय डेट. हे त्या गोष्टींवर लिहिलेले असते जे काही दिवसांत खराब होतात. जसे, दूध, दही, ब्रेडच्या पाकिटांवर यूज बाय डेट पाहायला मिळते. जर एखादे उत्पादन आज बनले आहे तर ते पुढील ४ दिवसापर्यंत वापरता येऊ शकते यासाठी यूज बायचा वापर करतात.