मुंबई : ऑनलाईन ऑर्डर (Online order) केलेल्या पदार्थांमध्ये भेसळ असणे, किंवा काहीतरी चूक असणे यात आता काही नवीन राहिलं नाही. अशा अनेक तक्रारी येत असतात. मात्र, मुंबईच्या मालाडमधून (Mumbai crime) याच ऑनलाईन ऑर्डरप्रकरणी एक अत्यंत धक्कादायक घटना समोर आली आहे. ऑनलाईन मागवलेल्या आईस्क्रिमच्या कोनमध्ये (Ice cream cone) चक्क माणसाच्या तुटलेल्या बोटाचा तुकडा आढळला. यामुळे खळबळ उडाली आहे.
मिळालेल्या माहितीनुसार, ऑर्लेम ब्रेंडेन सेराओ (वय २७) या नावाच्या व्यक्तीने काल १२ जूनला ऑनलाइन डिलिव्हरी अॅपद्वारे आइस्क्रिमची ऑर्डर दिली होती. त्याने आईस्क्रिमचे तीन कोन मागवले होते. त्यापैकी एका आईस्क्रीममध्ये कापलेलं बोट आढळून आलं. या व्यक्तीने यम्मो कंपनीचं (EMOI) बटस्कॉच फ्लेव्हरचे आईस्क्रिम मागवले होते. त्याने आईस्क्रीमच्या बॉक्सचे झाकण उघडताच त्याला बोट दिसले. त्यानं हे बोट बाहेर काढले. जवळपास २ सेमी लांबीच्या बोटाचा तुकडा दिसला. या घटनेमुळे ऑनलाईन कोणतीही गोष्ट मागवणे आता असुरक्षित असल्याचे बोलले जात आहे.
ऑर्लेम ब्रेंडन सेराओ हे एमबीबीएस डॉक्टर (MBBS doctor) आहेत. त्यामुळे त्यांना आइस्क्रिममध्ये असलेले बोट माणसाचेच असल्याचे लगेच समजले. या घटनेची माहिती पोलिसांना देण्यात आली आहे. पोलीस याप्रकरणी तपासणी करत आहे. आईस्क्रीममध्ये आढळलेल्या बोटाचा तुकडा प्रयोगशाळेत तपासासाठी पाठवण्यात आला आहे. हे आईस्क्रीम कुठे बनवले जाते, कुठे पॅक केले जाते, याबाबत शोध घेतला जाईल, असे पोलिसांनी सांगितले आहे.
मुंबई: रिलायन्स जिओने(reliance jio) आपल्या प्लानचे दर बदलले आहे. आजपासून नवे दर लागू झाले आहेत.…
मोठ्या रक्कमेचा दंड आणि शिक्षा होईल अशा पद्धतीचे कायदे अमलात आणा आमदार नितेश राणेंच्या मागणी…
शिवसेनेच्या प्रताप सरनाईकांनी वर्तविले भाकीत मुंबई : ठाकरे गटाकडून मिलिंद नार्वेकर यांच्या नावाची विधानपरिषद निवडणुकीसाठी…
गेल्या वर्षीच्या जूनच्या तुलनेत यंदा निम्म्याहून कमी प्रकरणे मुंबई : गेल्या वर्षीच्या जून महिन्याच्या तुलनेत…
पालघर : मुंबई-अहमदाबाद राष्ट्रीय महामार्गाच्या दुरावस्थेबाबत पालघरचे खा.हेमंत सवरा यांनी केंद्रीय भूपृष्ठ वाहतूक मंत्री नितीन…
मुंबई: जर तुम्हालाही तुमची त्वचा स्वस्थ ठेवायची असेल तर रात्री झोपण्याआधी काही गोष्टी चुकूनही खाल्ले…