पॅरिस : जगातील मोठ्या फिल्म फेस्टिव्हल्सपैकी एक अशा ‘कान्स फिल्म फेस्टिव्हल’मध्ये (Cannes film festival) यंदा भारतीय चित्रपटांचा (Indian Films) डंका वाजत आहे. भारतातील अनेक चित्रपटांना यात विविध श्रेणींमध्ये नामांकने मिळाली असून ही भारतासाठी अत्यंत अभिमानास्पद गोष्ट आहे. मराठमोळी अभिनेत्री छाया कदम (Chhaya Kadam) हिच्या ‘ऑल वुई इमॅजिन अॅज लाईट’ (All we imagine as light) या सिनेमाला कान्समध्ये उपस्थित मान्यवर व प्रेक्षकांकडून स्टँडिंग ओव्हेशन मिळालं. त्यामुळे छायाचं सर्वच स्तरांतून भरभरुन कौतुक होत आहे. यानंतर या चित्रपटाने पुन्हा एकदा भारताच्या शिरपेचात मानाचा तुरा खोवला आहे.
‘ऑल वी इमॅजिन ॲज लाइट’ या चित्रपटाचं स्क्रीनिंग नुकतंच कान्स सोहळ्यात पार पडलं होतं. या भारतीय चित्रपटाला कान्समध्ये भरभरून प्रेम मिळालं. यानंतर चित्रपट महोत्सवाच्या शेवटच्या दिवशी पायल कपाडियाच्या या चित्रपटाचा दबदबा पाहायला मिळाला. या चित्रपटाने महोत्सवात ऐतिहासिक कामगिरी करत ‘ग्रँड प्रिक्स’ पुरस्कारावर (Grand Prix Award) आपलं नाव कोरलं आहे. पाल्मे डी’ओर नंतर ‘ग्रँड प्रिक्स’ हा चित्रपट महोत्सवातील दुसरा सर्वात प्रतिष्ठित पुरस्कार आहे.
‘ऑल वी इमॅजिन ॲज लाइट’चा प्रीमियर २३ मे रोजी कान्स फिल्म फेस्टिव्हलमध्ये करण्यात आला. गेल्या ३० वर्षांत महोत्सवाच्या मुख्य विभागात प्रदर्शित होणारा हा पहिला भारतीय चित्रपट ठरला आहे. १९९४ मध्ये शाजी एन करुण यांचा ‘स्वाहम’ हा कान्सच्या मुख्य विभागात पोहोचणारा शेवटचा भारतीय चित्रपट होता.
पायल कपाडिया दिग्दर्शित ‘ऑल वी इमॅजिन ॲज लाइट’ या चित्रपटात कानी कुसरुती, दिव्या प्रभा, छाया कदम आणि हृदयू हारून यांच्या प्रमुख भूमिका आहेत. पायल कपाडिया लिखित ‘ऑल वी इमॅजिन ॲज लाइट’ ही केरळमधील दोन नर्सेसची कथा आहे. कथेच्या केंद्रस्थानी नर्स प्रभा आहे, तिची भूमिका कानी कुसरुतीने साकारली आहे. दरम्यान, मराठमोळ्या छाया कदम या चित्रपटाचा भाग असल्याने सध्या मराठी कलाविश्वातून त्यांच्यावर कौतुकाचा वर्षाव करण्यात येत आहे. याशिवाय यंदा पाल्मे डी’ओर पुरस्कारावर ‘अनोरा’ चित्रपटाने आपलं नाव कोरलं आहे.
मुंबई: टीम इंडिया(team india) विक्ट्री परेडसाठी मुंबईत पोहोचले आहेत. भारतीय संघाचे मुंबई एअरपोर्टवर दिमाखात स्वागत…
मुंबई : झोपडपट्टी पुनर्वसन योजनेंतर्गत (SRA scheme) घरांच्या विक्रीसाठीचे ना-हरकत प्रमाणपत्र (एनओसी) आता ऑनलाइन देण्यात…
वयाच्या १०० व्या वर्षी घेतला अखेरचा श्वास मुंबई : वयाच्या १० व्या वर्षी बालकलाकार म्हणून…
नवी दिल्ली : जागतिक आरोग्य संघटना अर्थात वर्ल्ड हेल्थ ऑर्गनायझेशन (WHO) यांनी तंबाखू (tobacco) वापरकर्त्यांसाठी…
९ विद्यार्थी जखमी रायगड : आज सकाळी कोल्हापूरमध्ये (Kolhapur Accident) हातकणंगले येथे सोलापूरहून कणकवलीला जाणाऱ्या…
नेमकं काय घडलं होतं तेव्हा? पुणे : पुण्यातील ससून हॉस्पिटलमधून (Sassoon Hospital) ड्रग्जमाफिया ललित पाटील…