IPL 2024: एका धावेने RCBचा पराभव, रोमहर्षक सामन्यात केकेआरचा विजय

मुंबई: इंडियन प्रीमियर लीग २०२४च्या(indian premier league 2024) ३६व्या सामन्यात कोलकाता नाईट रायडर्सने रॉयल चॅलेंजर्स बंगळुरूला एका धावेने हरवले. रविवारी कोलकाताच्या ईडन गार्डन्समध्ये खेळवण्यात आलेल्या या सामन्यात आरसीबीला विजयासाठी २२३ धावांचे आव्हान मिळाले होते. मात्र त्यांचा संपूर्ण संघ २० षटकांत २२१ धावांवर बाद झाला. आरसीबीचा हा सलग सहावा पराभव आहे. तर कोलकाताचा सात सामन्यांपैकी पाचवा विजय आहे.


या सामन्यात शेवटच्या ओव्हरमध्ये आरसीबीला विजयासाठी २१ धावा हव्या होत्या. मिचेल स्टार्कच्या त्या ओव्हरमध्ये कर्ण शर्माने तीन षटकार लगावले. दरम्यान पाचव्या बॉलवर कर्णला मिचेल स्टार्कने कॉट अँड बोल्ड आऊट केले. आरसीबीला एका बॉलवर तीन धावा हव्या होत्या मात्र लॉकी फर्ग्युसन दुसरी धाव घेण्याच्या नादात रनआऊट झाला. जर फर्ग्युसन दुसरी धाव घेण्यात यशस्वी ठरला असता तर सामना सुपर ओव्हरमध्ये पोहोचला असता.



जॅक्स-रजतचे अर्धशतक


आव्हानाचा पाठलाग करताना आरसीबीची सुरूवात चांगली झाली नाही आणि ३५ धावांपर्यंत त्यांनी विराट कोहली आणि फाफ डू प्लेसिसची विकेट गमावली होती. यानंतर विल जॅक्स आणि रजत पाटीदार यांनी शतकी भागीदारी करत आरसीबीला सामन्यात परतवले. जॅक्स आणि पाटीदार यांच्यात तिसऱ्या विकेटसाठी १०२ धावांची भागीदारी झाली. जॅक्सने ४ चौकार आणि पाच षटकारांच्या मदतीने ३२ बॉलमध्ये ५५ धावा केल्या. तर पाटीदारने केवळ २३ बॉलमध्ये ५२ धावांची खेळी केली. पाटीदारने आपल्या खेळीदरम्यान ३ चौकार आणि पाच षटकार लगावले.


जॅक्स बाद झाल्यानंतर कोलकाताने सामन्यात पुनरागमन केले आणि आरसीबीचा संघ एका वेळेस सहा बाद १५५ धावा होत्या. सुयश प्रभूदेसाई आणि दिनेश कार्तिक यांच्यात ३२ धावांची पार्टनरशिप झाली. त्यामुळे सामना रोमहर्षक झाला. कार्तिक-प्रभूदेसाई बाद झाल्यानंतर असे वाटत होते की कोलकाता आरामात जिंकेल मात्र शेवटच्या षटकांत कर्ण शर्माने चाहत्यांच्या हृदयाचे ठोके वाढवले. कोलकाताने आंद्रे रसेलने सर्वाधिक तीन विकेट मिळवल्या.

Comments
Add Comment

ऑस्ट्रेलिया दौऱ्यासाठी गिलकडे नेतृत्व; रोहित शर्माचा खेळाडू म्हणून संघात सहभाग

वनडे आणि टेस्टसाठी शुभमन गिल तर टी २० साठी सूर्यकुमार यादव करणार भारताचे नेतृत्व मुंबई : भारतीय क्रिकेट नियामक

IND vs WI: तिसऱ्याच दिवशी वेस्ट इंडिजचा खेळ खल्लास, भारताचा एक डाव आणि १४० धावांनी विजय

अहमदाबाद : भारत आणि वेस्ट इंडिज यांच्यातील पहिल्या कसोटीचा निर्णय तिसऱ्याच दिवशी लागला.

IND vs WI: भारताने ४४८वर पहिला डाव केला घोषित, २८६ धावांची घेतली आघाडी

अहमदाबाद: भारत आणि वेस्ट इंडिज यांच्यातील पहिल्या कसोटी सामन्याला तिसऱ्या दिवशी नाट्यमय

वेस्ट इंडिजविरुद्धच्या पहिल्या कसोटीत ध्रुव जुरेलचं पहिलं शतक! 'गन सॅल्यूट' करत केले सेलिब्रेशन

अहमदाबाद: भारत आणि वेस्ट इंडिज यांच्यातील पहिल्या कसोटी सामन्यात टीम इंडियाचा युवा यष्टिरक्षक-फलंदाज ध्रुव

IND vs WI: वेस्ट इंडिजविरुद्धच्या पहिल्या कसोटीत भारताची घट्ट पकड, राहुल, जुरेल आणि जडेजाने ठोकले शतक

अहमदाबाद: भारत आणि वेस्ट इंडिज यांच्यातील पहिल्या कसोटी सामन्याच्या दुसऱ्या दिवशी भारतीय फलंदाजांनी वेस्ट

IND vs WI: भारतीय गोलंदाजांचा भेदक मारा, पहिल्याच दिवशी विंडीजचा संपूर्ण डाव कोसळला

अहमदाबाद: भारत आणि वेस्ट इंडिज यांच्यातील दोन कसोटी सामन्यांच्या मालिकेतील पहिला सामना अहमदाबादच्या नरेंद्र