तुर्भे: नवी मुंबई महानगरपालिका क्षेत्र एकल प्लास्टिकमुक्त असावे यादृष्टीने सर्वच पातळ्यांवर प्रयत्न करण्यात येत असून त्यादृष्टीने प्लास्टिक प्रतिबंधात्मक मोहीमा राबविण्यात येत आहेत.
आज ६ मार्चला तुर्भे विभाग कार्यलयामार्फत विभाग अधिकारी श्री. भरत धांडे साहेब यांच्या मार्गदर्शनाखाली व स्वच्छता अधिकारी श्री राजूसिंग चव्हाण यांच्या सूचनेनुसार विभागात ठिकठिकाणी प्रतिबंधात्मक प्लास्टिकचा वापर करणा-या व सार्वजनिक ठिकाणी केरकचरा टाकून उपद्रव करणा-या व्यावसायिकांवर, नागरिकांवर दंडात्मक कारवाई करण्यात आली.
या कारवाईत स्वच्छता निरीक्षक जयश्री आढळ, संतोष देवरस, विष्णू रावते, हनुमान मेश्राम, योगेश पाटील, विजय दुर्लेकर यांच्या पथकाने दंडात्मक शुल्क रक्कम रू. ६७५०/- वसूल केली व त्यासोबत ६ किलो प्रतिबंधात्मक प्लास्टिक जमा केले.