Thackeray Group : ठाकरेंना मोठा धक्का देत 'हा' निष्ठावंत नेता मुख्यमंत्री शिंदेंच्या वाटेवर?

निवडणुकांवेळी ठाकरे गटाला मिळणार आणखी एक झटका


मुंबई : लोकसभा निवडणुकांच्या (Loksabha Election) तयारीत सर्व राजकीय पक्ष (Political parties) गुंतलेले असतानाच महाविकास आघाडीवर (MVA) मात्र ऐन निवडणुकांच्या वेळी पक्ष सोडून चाललेल्या आपल्या नेत्यांची चिंता करावी लागत आहे. राष्ट्रवादी (NCP) अजित पवारांची (Ajit Pawar) झाल्यानंतर राष्ट्रवादी काँग्रेसलाही मोठा झटका मिळाला. यानंतर आता ठाकरे गटाला (Thackeray Group) एक मोठा धक्का पचवावा लागणार असल्याची शक्यता आहे. याचं कारण म्हणजे ठाकरे गटाचे आमदार, अत्यंत निष्ठावान नेते आणि उद्धव ठाकरे (Uddhav Thackeray) यांचे निकटवर्तीय रवींद्र वायकर (Ravindra Waikar) मुख्यमंत्री एकनाथ शिंदे यांची कास धरणार आहेत. हा मोठा मासा शिंदेंच्या गळाला लागल्याने ठाकरे गट आणखी कमकुवत होणार आहे.


मिळालेल्या माहितीनुसार, रवींद्र वायकर आणि मुख्यमंत्री शिंदे यांच्यात गुप्त बैठक पार पडली. या बैठकीत रवींद्र वायकर यांनी एकनाथ शिंदे यांच्यासोबत काम करण्याची इच्छा व्यक्त केली. आम्ही मुळचे शिवसैनिक आहोत, धनुष्यबाणाचे पाईक आहोत. त्यामुळे आगामी लोकसभा निवडणुकीत आम्हाला तुमच्या खांद्याला खांदा लावून लढायचे आहे, असे वायकरांनी एकनाथ शिंदे यांना सांगितल्याचे समजते. तसेच वायकर यांनी सर्व नगरसेवक, शाखा प्रमुख, विभाग प्रमुखांना तयारीत राहण्याचे आदेश दिल्याची माहिती मिळाली आहे.


जोगेश्वरी भूखंड घोटाळ्यात वायकरांना ईडीने समन्स बजावल्यानंतर २९ जानेवारी रोजी तब्बल ९ तास त्यांची ईडीने चौकशी केली. त्यांना ईडी चौकशीसाठी तीनदा समन्स बजावण्यात आलं होतं. दोनदा प्रकृतीचं कारण देत त्यांनी चौकशी टाळली होती. ही चौकशी राजकीय दबावापोटी असल्याचा आरोप त्यांनी तेव्हा केला होता.



कोण आहेत रवींद्र वायकर?


जोगेश्वरी भागातून १९९२ मध्ये रवींद्र वायकर पहिल्यांदा मुंबई महानगरपालिकेवर निवडून गेले. २००६-२०१० या काळात वायकर यांनी मुंबई महानगरपालिकेच्या स्थायी समितीचे अध्यक्ष म्हणूनही काम पाहिले होते. त्यानंतर २००९, २०१४ आणि २०१९ मध्ये सलग तीनवेळा जोगेश्वरी पूर्व विधानसभा मतदारसंघातून वायकर आमदार म्हणून निवडून आले. महाविकास आघाडी सरकारमध्ये रवींद्र वायकर यांच्याकडे गृहनिर्माण आणि उच्च व तंत्रशिक्षण विभागाचे राज्यमंत्रीपदाची धुरा होती. त्यानंतर २०१९च्या महाविकास आघाडी सरकारमध्ये वायकर गृहनिर्माण विभागाचे राज्यमंत्री होते.


Comments
Add Comment

Navratri 2025 : आजपासून शारदीय नवरात्रोत्सवाला प्रारंभ,जाणून घ्या नवरात्र व्रताचा इतिहास, महत्त्व

मुंबई: सर्वमंगल मांगल्ये शिवे सर्वार्थ साधिके ।शरण्ये त्र्यंबके गौरी नारायणि नमोस्तुते ।। अर्थ : सर्व

दसरा-दिवाळीत सुक्यामेव्याची खरेदी सर्वसामान्यांना शक्य!

बदाम, पिस्ता, खजूर प्रतिकिलो ४० ते १०० रुपयांनी स्वस्त मुंबई (प्रतिनिधी) : खजूर, बदाम, पिस्ता हे खाण श्रीमंतीचे

मुंबईकरांची पाण्याची चिंता मिटली

सातही धरणांमध्ये वर्षभर पुरेल इतका पाणीसाठा मुंबई (प्रतिनिधी) : मुंबईला पाणीपुरवठा करणारी सातही धरणे भरल्याने

नव्या जीएसटी सुधारणांतून भारताच्या आर्थिक विकासाला नवी गती - मुख्यमंत्री

मुंबई : देशात उद्या, दि. 22 सप्टेंबर पासून दुसऱ्या टप्प्याचे वस्तू व सेवा कर सुधारणा लागू होत असून, या सुधारणा

नवरात्रोत्सवासाठी मुंबादेवी मंदिर सज्ज

मुंबई : मुंबईचे नाव ज्या मुंबादेवीमुळे पडले, त्या मुंबादेवी मातेचे दर्शन घेण्यासाठी मुंबईसह इतर राज्यांतूनही

अकरावी प्रवेशाची शेवटची संधी

मुंबई : महाराष्ट्रातील अभियांत्रिकीची प्रवेश प्रक्रिया पूर्ण झाली आहे. पण राज्यातील अकरावीची अर्थात FYJC ची