US School firing : नाताळच्या लांबलचक सुटीनंतर पहिल्याच दिवशी शाळेत गोळीबार

  54

अमेरिकेतल्या धक्कादायक घटनेत एक विद्यार्थी ठार तर पाच जखमी; तर शूटरने स्वतःवरही झाडली गोळी


वॉशिंग्टन : नववर्ष (New year) सुरु होऊन चार दिवस उलटले तरी जगभरात उत्साह कायम आहे. तसेच काही शाळांच्या लांबलचक सुट्याही सुरु आहेत. अमेरिकेत शाळांना देण्यात आलेल्या सुट्ट्यानंतर काल शाळेचा पहिला दिवस होता. मात्र, या पहिल्याच दिवशी अत्यंत धक्कादायक घटना घडली आहे. अमेरिकेच्या आयोवा राज्यातील एका शाळेत घडलेल्या गोळीबाराच्या (US School firing) घटनेमुळे अख्खा देश हादरला आहे. या घटनेत एका विद्यार्थ्याचा मृत्यू झाला असून पाच विद्यार्थी जखमी झाली आहे. गंभीर बाब म्हणजे, शूटरने स्वतःवरही गोळी झाडल्याने त्याचा मृत्यू झाला आहे.


आयोवा येथील पेरी हायस्कूलमध्ये काल गुरुवारी सकाळी साडेसातच्या सुमारास (अमेरिकेच्या स्थानिक वेळेनुसार) ही घटना घडली. पोलिसांना या घटनेची माहिती मिळताच ते तात्काळ तेथे पोहोचले. तेथे अधिकाऱ्यांना विद्यार्थी आणि शिक्षक लपून बसलेले किंवा ठिकाणाहून पळताना दिसले.


सार्वजनिक सुरक्षा विभागाचे अधिकारी मिच मॉर्टवेट यांनी दिलेल्या माहितीनुसार, शूटर १७ वर्षीय असून त्याचे नाव डायलन बटलर असे आहे. तो गोळीबार आणि हँडगनसह मृतावस्थेत आढळून आला. गोळीबार करणाऱ्याने स्वतःवर गोळी झाडली, त्यामध्ये त्याचा मृत्यू झाला. गोळीबारात ५ जण जखमी झाले असून त्यापैकी सहावीच्या वर्गातील एका विद्यार्थ्याचा मृत्यू झाला आहे. पेरी स्कूलच्या प्राचार्यालाही गोळ्या घालण्यात आल्या. जखमींपैकी प्रकृती गंभीर आहे, तर इतर चार जणांची प्रकृती स्थिर आहे, अशी माहिती त्यांनी दिली.


गोळीबार करणाऱ्याच्या पार्श्‍वभूमीबद्दल जे काही आहे तो तपासाचा भाग आहे आणि साहजिकच आम्ही त्याचा सखोल शोध घेणार आहोत. गोळीबाराच्या वेळी संशयिताने सोशल मीडियावर अनेक पोस्टही केल्या होत्या. घटनेचा तपास सुरू आहे, अशी माहिती पोलिसांनी दिली.

Comments
Add Comment

Shubhman Gill : १८ वर्षानंतर शुभमन गिल रचणार इंग्लंडमध्ये इतिहास?

नवी दिल्ली : टीम इंडियाचा नवनियुक्त कर्णधार शुभमन गिलला इंग्लंड दौऱ्यामध्ये मोठ्या अग्निपरीक्षेला सामोर जावे

Russia Ukraine War: रशियाचा युक्रेनवर ४० क्षेपणास्त्रे आणि ४०० ड्रोनचा भयंकर हल्ला!

रशियाचा युक्रेनवर ड्रोन, क्रूझ आणि बॅलिस्टिक क्षेपणास्त्रांचा वर्षाव कीव्ह: रशियाने शुक्रवारी सकाळी

बांगलादेशमध्ये एप्रिल २०२६मध्ये होणार निवडणूक, मुहम्मद युनूस यांनी केली घोषणा

ढाका: बांगलादेशच्या अंतरिम सरकारचे मुख्य सल्लागार मुहम्मद यूनुस यांनी देशातील पुढील राष्ट्रीय निवडणुकीची

या ठिकाणी पाच रुपयांचा पार्ले जी बिस्किटांचा पुडा २३०० रुपयांत मिळतो

गाझा : पार्ले जी बिस्कीट एक लोकप्रिय ब्रँड आहे. भारतात मागील अनेक दशकांपासून पार्ले जी बिस्किटांची विक्री सुरू

विनाश ७ जून नंतर अटळ, बाबा वेंगाचे भाकीत

बल्गेरिया : बल्गेरिया येथील बाबा वेंगा यांनी केलेली भविष्यवाणी या नावाने एक भाकीत व्हायर होत आहे. या भाकितानुसार

Shashi Tharoor : 'भारताला कोणत्याही तिसऱ्या पक्षाची गरज नाही', राहुल गांधींच्या विधानावर थरूर यांची प्रतिक्रिया

राहुल गांधींच्या ‘सरेंडर’ विधानाशी शशी थरूर असहमत वॉशिंग्टन : विरोधी पक्षनेते राहुल गांधी यांनी पंतप्रधान