Sunday, July 21, 2024
Homeक्रीडाIND vs SA: अष्टपैलू शार्दुल ठाकूरच्या खांद्याला दुखापत

IND vs SA: अष्टपैलू शार्दुल ठाकूरच्या खांद्याला दुखापत

भारत-दक्षिण अफ्रिका दुसरी कसोटी नाही खेळणार

केपटाऊन (वृत्तसंस्था) : टीम इंडियाचा गोलंदाज-अष्टपैलू शार्दुल ठाकूर शनिवारी सराव सत्रादरम्यान जखमी झाला आहे. नेटमध्ये फलंदाजी करताना शार्दुलच्या खांद्याला चेंडू लागला. या दुखापतीची तीव्रता अद्याप कळू शकलेली नसून त्याचे स्कॅनिंग होण्याची शक्यता आहे. भारत आणि दक्षिण आफ्रिका यांच्यातील दुसरी कसोटी ३ जानेवारीपासून केपटाऊनमध्ये खेळवली जाणार आहे.

ही घटना सराव सुरू झाल्यानंतर १५ मिनिटांनी घडली, जेव्हा क्षेत्ररक्षण प्रशिक्षक टी. दिलीप शार्दुलला थ्रोडाउन सराव देत होते. शार्दुलला शॉर्ट बॉल खेळता आला नाही आणि चेंडू त्याच्या खांद्यावर लागला. चेंडू लागल्यानंतर शार्दुलला खूप अस्वस्थ वाटत होते. पण, मुंबईच्या अष्टपैलू खेळाडूने नेटमध्ये फलंदाजी सुरूच ठेवली.

एकदा त्याने फलंदाजी पूर्ण केल्यावर, फिजिओने त्याच्या खांद्यावर बर्फाचा पॅक स्लिंग ठेवला. यानंतर त्याने नेटमध्ये भाग घेतला नाही आणि गोलंदाजीही केली नाही. या ऐच्छिक सराव सत्रात आलेला शार्दुल हा पहिला खेळाडू होता. भारतीय संघाचे सपोर्ट स्टाफ त्याला थ्रोडाउनचा सराव करत होते. यानंतर शार्दुल वेदनेने ओरडू लागला.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -