मुंबई : मुंबईतील चुनाभट्टीसारख्या गजबजलेल्या परिसरात भरदिवसा गोळीबाराची (Chunabhatti Firing) घटना घडली आहे. परिसरातील स्थानिक गुंड असलेल्या पप्पू येरुणकर (Pappu Yerunkar) आणि त्याच्या दोन ते तीन साथीदारांवर गोळीबार करण्यात आल्याची माहिती समोर आली आहे. या ओपन गोळीबारात पप्पू येरुणकरसह तीन जण जखमी झाले आहेत.
चुनाभट्टी पोलीस ठाण्याच्या हद्दीतील आझाद गली, व्हीएन पूर्वा मार्ग येथे दुपारी साडेतीनच्या सुमारास गोळीबाराची घटना घडली. यावेळी १६ राऊंड फायर करण्यात आले. अंतर्गत वादातून हा गोळीबार करण्यात आल्याचे समजत आहे. यामध्ये जखमी झालेल्या तिघांना सायन रुग्णालयात दाखल करण्यात आले असून त्यांच्यावर उपचार सुरू आहेत. तर घटनास्थळी पोलिसांनी कडक बंदोबस्त ठेवला आहे.
पप्पू येरुणकर हा स्थानिक गुंड असून त्याच्यावर आतापर्यंत विविध गुन्हे दाखल करण्यात आले आहेत. याआधी त्याने जेलची हवाही खाल्ली आहे. तसेच त्याचे अनेक लोकांसोबत जुने वाद आहेत. त्यातून त्याच्यावर हल्ला करण्यात आला असावा असा पोलिसांना संशय आहे. मात्र, नेमकं कारण अद्याप समोर आलं नाही.
ज्या ठिकाणी हा हल्ला झाला ते ठिकाण अत्यंत गजबजलेलं आहे. या परिसरात अनेक दुकानं असून त्या ठिकाणच्या सीसीटीव्हीच्या माध्यमातून पोलीस तपास करत आहेत. मात्र दिवसा ढवळ्या घडलेल्या या घटनेमुळे चुनाभट्टी परिसरात एकच खळबळ उडाली आहे.
मुंबई: आचार्य चाणक्य यांनी अशा घरांचे वर्णन निती शास्त्रात केले आहे जिथे लक्ष्मी मातेला जायला…
मुंबई : आयसीसी टी २० विश्वचषक स्पर्धेत टीम इंडियाने दैदीप्यमान कामगिरी करत विश्वचषक जिंकला. भारतीय…
मुंबई: Motorola Razr 50 Ultra गुरूवारी भारतात लाँच करण्यात आला. हा कंपनीचा नवा क्लॅमशेल-स्टाईलचा फोल्डेबल…
मुंबई: टी-२० वर्ल्डकप २०२४ जिंकून आलेल्या टीम इंडियाचे गुरूवारी मुंबईत अतिशय भव्य दिव्य स्वागत झाले.…
थिरुवनंतपुरम : केरळमध्ये दुषित पाण्यात आंघोळ केल्यामुळे १४ वर्षांच्या मुलाचा मृत्यू झाला आहे. अमिबामुळे मेंदूला…
मुंबई: भारतीय खेळाडू टी-२० वर्ल्डकप जिंकल्यानंतर मायदेशात परतले आहेत. यानंतर रोहित शर्माच्या नेतृत्वातील टीम इंडियाच्या…