नवी दिल्ली: फ्रान्सचे राष्ट्रपती इमॅन्युअल मॅक्रो maभारताकडून मिळालेल्या निमंत्रणानंतर पंतप्रधान मोदींना धन्यवाद म्हटले आहे. प्रजासत्ताक दिनाच्या सोहळ्यात आता अमेरिकन राष्ट्रपती जो बायडेन यांच्याऐवजी फ्रान्सचे राष्ट्रपती इमॅन्युअल मॅक्रो प्रमुख पाहुण्यांच्या रुपात सामील होतील.
इमॅन्युएल मॅक्रोने शुक्रवारी आपल्या अधिकृत एक्स हँडलवरून एक पोस्ट केली. या पोस्टमध्ये लिहिले, तुमच्या निमंत्रणासाठी धन्यवाद, माय डिअर फ्रेंड भारताचे पंतप्रधान नरेंद्र मोदी. तुमच्या प्रजासत्ताक दिनी मी तुमच्यासोबत साजरा करण्यासाठी तेथे असेन. मॅक्रो या कार्यक्रमात सामील होणारे सहावे फ्रान्स नेते असतील.
फ्रान्सच्या राष्ट्रीय दिनी गेस्ट ऑफ ऑनर होते पंतप्रधान मोदी
नुकत्यात वर्षात भारत आणि फ्रान्स यांच्यातील संबंध सुधारले आहेत. या वर्षी जुलैमध्ये पंतप्रधान नरेंद्र मोदींनी फ्रान्सच्या राष्ट्रीय दिवस समारोहादरम्यान बॅस्टिल दिवस परेडमध्ये गेस्ट ऑफ ऑनर म्हणून सहभाग घेतला होता. त्या दरम्यान संरक्षण मंत्रालयाने फ्रान्सकडून २६ राफेल जेटच्या अधिकग्रहणाला मंजुरी दिली होती. याचा उद्देश स्वदेश निर्मित विमान वाहक आयएनएस विक्रांतवर तैनात करणे आहे. फ्रान्सने जेट खरेदीसाठी भारताच्या प्रारंभिक टेंडरचे उत्तर दिले आहे आणि दोन्ही देश समुद्री क्षेत्र, विशेष रूपाने हिंद महासागर क्षेत्रातील सहकार्य वाढवत आहे.
का येत नाही आहेत जो बायडेन?
बायडेन यांनी प्रमुख पाहुणे म्हणून भारताचे निमंत्रण स्वीकार केले नाही. मीडिया रिपोर्ट्समध्ये सांगितले गेले की बायडेनने आपल्या व्यस्त कार्यक्रमांमुळे हे निमंत्रण स्वीकारले नाही.